聲生不息|糖妹與炎明熹安崎合唱《我的驕傲》 網民:期待你在内地更多的演出

《聲生不息》糖妹
《聲生不息》糖妹

由TVB與芒果TV合辦的節目《聲生不息》正在熱播中,節目搵嚟多位香港及內地殿堂級歌手與新生代歌手參與,噚晚(26日)播出最新一集以「港樂與我共此時」為主題,仲有譚詠麟及糖妹(黃山怡)做表演嘉賓。

喺《聲生不息》最新一集中,節目採用「中港歌手合作舞台」形式,當中包括由炎明熹、安崎及糖妹合唱嘅《我的驕傲》。喺表演中三人均穿上白色服飾上陣,一開始就鬥飈高音,然後中段三重唱,令人聽出耳油。之後,劉惜君仲話糖妹係「Mini陳慧嫻」,聲音同外貌都同陳慧嫻有幾分相似。除咗得到郭偉亮(Eric Kwok)、黃宗澤及資深音樂人許愿轉發分享給讚賞之外,唔少網民都紛紛留言大讚糖妹唱得好好,例如「唱得好,長得美」、「好好聽!糖妹好可愛!」、「唱得好好啊!~期待你在内地更多的演出~」、「糖妹的聲音好好聽!」、「糖妹唱的太好了!!!好棒啊!」及「糖妹的舞台很棒呀,你就是我們的驕傲,會永遠支持你的,加油」等等。

現年34歲嘅糖妹,喺2008年與糖兄以組合「糖兄妹」身份出道,二人喺頒獎禮上獲得多個新人新人獎項,但可惜組合只維持6年,喺2014年推出EP《動起來》後便甚少公開露面,而糖妹就話佢哋唔係拆夥。近年,糖妹除咗歌唱事業之外,佢亦有拍攝劇集、電影及主持等多線發展,好似嚟緊TVB《童時愛上你》亦有佢嘅演出。

糖妹努力工作,默默搵錢嘅原因係由於爸爸已經退休,媽媽就係家庭主婦,而佢亦喺長女嘅關係,所以佢一個人孭起成頭家,兼供養細佢11年嘅細佬去英國讀書,實現佢去外國讀心理學嘅心願。

《聲生不息》截圖
《聲生不息》截圖
《聲生不息》截圖
《聲生不息》截圖
《聲生不息》截圖
《聲生不息》截圖
《聲生不息》截圖
《聲生不息》截圖
糖妹
糖妹
《童時愛上你》劇照
《童時愛上你》劇照
糖妹
糖妹
糖妹
糖妹
糖妹
糖妹
糖妹
糖妹
糖妹
糖妹
糖妹
糖妹
糖妹
糖妹

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能