胡曦文割瘤 慶幸可保留子宮

·1 分鐘文章
胡曦文會多加注意身體。
胡曦文會多加注意身體。

商界女強人胡曦文昨日孖男友羅御軒及好友溫碧霞出席慈善活動,講到她早前低調入院割除6粒子宮肌瘤,她自爆其實不止:「仲割咗一個超過10cm大嘅腺肌瘤!可能平時壓力大同緊張,其實呢個瘤已經喺度成10幾年,但一直未搵到好醫生切除。(當時好驚?)冇得驚,勇敢面對,覺得自己好好彩,識好多朋友都要切晒,我仲可以保留番(子宮),好番瘦咗8、9磅,之後會好好注意身體,男朋友好擔心。」

提到她旗下腕錶品牌近日進駐中東卡塔爾的最貴商場,她興奮表示皇室成員有份代理,自己都想去當地「朝聖」,但礙於疫情而沒法前往,並透露品牌稍後會再與世界知名汽車合作。