胸口突感不適!苑瓊丹秘密入院留醫

·1 分鐘文章
胸口突感不適!苑瓊丹秘密入院留醫
胸口突感不適!苑瓊丹秘密入院留醫

資深藝人廖啟智和黃樹棠最近先後爆出患上重病,但原來苑瓊丹近日也低調入院,被問到所為何事,她解釋因胸口不適,鑑於智叔事件在前,令她有所警惕不敢掉以輕心。

苑仔表示:「最近咁多唔好消息,我當然唔敢怠慢,咪走去睇醫生囉,點知醫生話我應該去睇急症喎!去到急症,急症又話我要留院,就咁我住咗一晚醫院,做晒全身檢查睇吓發生左咩事,好在報告只係話我膽固醇偏高,需要食藥!」

苑仔笑謂:「醫生都解釋得幾好笑,佢話啲心血管布滿豬油膏,所以會愈來愈窄,好在及早發現,食藥可以控制,另外我都會注意番均衡飲食同埋做運動!」她並且呼籲大忙人朋友:「忙還忙,都要聆聽吓自己身體的反應,病向淺中醫!」

談到智叔和黃樹棠,苑仔指早前在內地工作時經常會碰到智叔,至於黃樹棠就好久不見,當聽到二人罹患重病時,她感到好難過,覺得做藝人的生活顛倒食無定時,身體難免會出現毛病,希望二人都能擊退病魔盡快康復。

苑仔突然感到胸口不適要入院留醫!
苑仔突然感到胸口不適要入院留醫!
好在報告只係話佢膽固醇偏高。
好在報告只係話佢膽固醇偏高。