與張學友合唱《你最珍貴》 劉嘉玲竟被歌神串唔適合唱歌？

57歲劉嘉玲不時在社交平台分享生活趣事，今日她再分享與「歌神」張學友句唱完《你最珍貴》，並引述二人的對話。張學友稱「+0，你玩吓好啦，唱歌唔適合你」嘉玲回應「你唱歌好啦，演戲唔適合你。」歌神再說「係呀，我知呀，所以我放棄做戲囉，不過除咗喜劇，我適合做喜劇，哈哈。」

雖然嘉玲被學友串唔適合唱歌，但網民則在嘉玲「主場」一面倒支持，有網民稱「之前聽過劉小姐唱歌，好有感情呀，人靚聲甜果種」、亦有網民說「嘉玲姊與歌神一起唱歌 ，真是絕配 ！」亦有網民是嘉玲的歌迷，表示「妳出的兩張專輯我都有買，很好聽。」

張學友同劉嘉玲合作過好多套電影/電視劇，但屢屢學友飾演嘅角色，都係單戀同牽掛嘉玲。

由1990年《阿飛正傳》，嘉玲鍾意張國榮飾演嘅旭仔；1992年《現代愛情戀曲》，嘉玲同學友曾為戀人，到香港之後嘉玲就唔再鍾意飾演的士司機嘅學友，得返學友繼續單戀；到2016年《澳門風雲3》，張學友飾演大反派，為咗追嘉玲不擇手段，可惜嘉玲鍾意周潤發飾演嘅石一堅。學友都係得不到劉嘉玲，就連歌神本人都笑說自己追咗25年都追唔到劉嘉玲，仲笑住「自爆」曾單戀嘉玲，但嘉玲就喜歡梁朝偉咁話！

其實喺現實生活中，一個歌神一個影后，二人都係非常之老友，同偉仔、張嘉輝成班都好係圈中好友，多年嚟可以一齊拍戲、合唱，仲可以互串對方開玩笑，呢份情誼確係難得。