與老公過2人世界 麥玲玲睇化:親生仔不如近身錢!

東方日報
·2 分鐘文章
麥玲玲把珍貴的玄學筆記放在夾萬收藏。
麥玲玲把珍貴的玄學筆記放在夾萬收藏。

有「玄學天后」之稱的堪輿學家麥玲玲,接受繽FUN星網節目鷹金庫夾萬特約《娛場X女人的秘密》訪問,親揭其玄學之路,自爆母親在她小時候經常搵人算命睇風水,更曾經被師傅批過不到某個歲數,結果應驗母親遇到大劫而過身,自此她鑽研風水命理:「全港所有算命師傅我都睇過,有個紫微斗數嘅師傅同我講,第日係行家喎,仲好成功添!」

在玄學這個以男性主導的行業,她坦言會被攻擊:「佢哋會覺得睇風水你邊度得呀,行街你就得,撞到都唔會同你打招呼。」連她做事、衣着都受到批評:「佢哋覺得你做嘢奇怪,成日着背心又低胸,我就係頸短,梗係着背心,唔通着樽領咩。」曾參與電影、電視演出的她,視之為減壓最佳方法,但卻被人誤解鍾意出風頭,她說:「我覺得自己個人係好低調。」

家中夾萬放吉祥物聚財

與老公相愛廿幾年,她笑說:「你話係咪好恩愛,你問吓佢,佢成日話我鬧佢。」原來她老公讀書非常叻,由細到大都考第一。他們一直沒有小朋友,因為她知道老公的要求好高,相信會為小朋友帶來好大壓力:「我算命算得多有啲化咗,因為見過好多後生嚟算命,睇老竇幾時瓜等分錢,你心唔心噏,親生仔不如近身錢。」

當日玲玲師傅特別帶同一疊有30年歷史的玄學筆記到場,珍貴得要放在夾萬:「我珍而重之o架!」她指玄學上每個人家中都需要夾萬,尤其將貔貅及錦鯉這兩樣吉祥物放進去,會加強聚財能力,她不忘贈言:「每年財位都唔同,牛年財位係西面,如果冇夾萬嘅話,可以喺財位放大葉及水種嘅植物,或者象徵財運嘅元寶及金色物件,對財運都有幫助。」場地:BEYOND FURNITURE愛家

麥玲玲今年與夾萬公司合作推出風水夾萬。
麥玲玲今年與夾萬公司合作推出風水夾萬。



【相關搜尋】婚姻不是為了生孩子