苑瓊丹分享上海抗疫生活 一個冬甩分幾餐食被網民指有誤導成份

·1 分鐘文章
苑瓊丹分享上海抗疫生活 一個冬甩分幾餐食被網民指有誤導成份
苑瓊丹分享上海抗疫生活 一個冬甩分幾餐食被網民指有誤導成份

上海新冠肺炎疫情持續,3月底開始實施封城措施,唔少身處上海嘅藝人都有喺社交網站分享現況。已經移居上海嘅苑瓊丹(苑仔),日前以黑色幽默方式拍片分享比較抗疫前後嘅生活。

片段中,苑瓊丹喺抗疫前打扮得靚靚,可以唔使戴口罩行街。之後就講現時上海嘅生活,苑仔望住一個冬甩,喺放到入口之前突然停落嚟,然後拎起一把鉸剪,剪咗一小部分出嚟食,睇落呢一個冬甩要分開幾餐食。再之後,佢連飲水都要將一杯水分出一小杯嚟飲。

影片出街後,網民嘅反應兩極,有人覺得佢只係純粹搞笑,想大家可以輕鬆一下。不過亦有網民認為佢呢條片有誤導成份,留言話:「不至於,不要誇大,你們是公眾人物,更要注意。」及「注意影響 你是公眾人物 不要錯誤引導」等等。

影片截圖
影片截圖
影片截圖
影片截圖
苑瓊丹
苑瓊丹
苑瓊丹
苑瓊丹

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能