萬千星輝頒獎典禮2022|蔣家旻大熱姿態奪「最佳女配角」 入行16年曾當「月光族」

蔣家旻
蔣家旻

33歲蔣家旻以大熱姿態憑《美麗戰場》鍾家琪「反骨琪」一角勇奪TVB《萬千星輝頒獎典禮2022》「最佳女配角」,亦係入行16年以來首個「最佳女配角」獎項。蔣家旻於台上向《美麗戰場》台前幕後致謝,及感謝曾志偉、樂易玲、曾勵珍,以及葉念琛搵佢演呢個角色,成就佢喺演藝路上另一個代表作:「可能好多人覺得我喺演藝路上行得慢,但係我係訓練班出身,真係望住好多師兄師姐係一步一腳印行出成績,係佢哋令我堅持既可貴。我會繼續帶住演藝份熱情超越自己。」其實,蔣家旻星途並非一帆風順,有傳曾因拍葉念琛電影《第一次不是你》情慾戲份遭TVB雪藏,又試過成為「月光族」。

蔣家旻初入行有長達9年時間飾演路人甲角色,直至劇集《天與地》飾演少女版佘詩曼先冒起,2012年憑《愛·回家》「馬子妮」一角成功入屋,不過有指因為2013年於葉念琛電影《第一次不是你》飾演援交少女「阿寶」,與乖乖女形象不符觸動TVB高層而遭雪藏一段時間。蔣家旻過往多次挑戰唔同戲路,2020年於《反黑路人甲》飾演「水姐」撇甩乖乖女形象,更奪得「飛躍進步女藝員」獎項。蔣家旻從少就被屋企人栽培學習鋼琴、繪畫、跳舞等多項才藝,希望佢可以搵份好工,但就偏偏與家人唱反調,鍾意演戲並於17歲時決心加入演藝圈。

蔣家旻近年多咗演出,收入大增,不過佢就唔係好識理財,每月僅儲蓄到大約2千元,而鍾意買嘢嘅佢喺入行初期幾乎係零積蓄。直至近日有圈中好友向佢分享理財心得先決心學習理財投資,減少購物次數,靠租借服裝及美妝品贊助出席活動,希望可以喺35歲前置業。

《美麗戰場》劇照
《美麗戰場》劇照
蔣家旻
蔣家旻
蔣家旻
蔣家旻
蔣家旻
蔣家旻
蔣家旻
蔣家旻

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!