【萬千星輝頒獎典禮2020】劉丹爭啲重演關家姐事件 直播節目尷尬位 點少得「請坐低」

·4 分鐘文章
【萬千星輝2020】劉丹爭啲成為關家姐第二 直播節目尷尬位 點少得「請坐低」
【萬千星輝2020】劉丹爭啲成為關家姐第二 直播節目尷尬位 點少得「請坐低」

直播show好睇在反應夠真!尋晚【萬千星輝頒獎典禮2020】除咗陳自瑤嘅0表情即時展現神級演技之外,另一個洗版話題係胡定欣頒發「最受歡迎男角色」之前,介紹劉丹做《愛.回家》做足8年,一時走神嘅丹爺以為自己有獎於是企起身,好在胡定欣兜得快,丹爺先至冇行咗上台!唔少網民都話呢單嘢爭啲成為「關家姐」事件翻版。除咗「關家姐」,TVB直播騷仲有幾單經典尷尬事,諗起都毛管戙。

關菊英有獎 關心妍衝出嚟

【萬千星輝2020】劉丹爭啲成為關家姐第二 直播節目尷尬位 點少得「請坐低」
【萬千星輝2020】劉丹爭啲成為關家姐第二 直播節目尷尬位 點少得「請坐低」

喺《2008年度十大勁歌金曲頒獎典禮》,大會搵關菊英負責頒發傑出表現獎。呢個獎係俾一班上位中又未去到攞大獎嘅歌手而設,例如當年嘅關心妍。不過嗰年傑出表現金獎係由頒獎嘅關菊英奪得。可能關心妍都冇諗過有呢個咁巧妙安排,佢居然由舞台後方嘅座位行出嚟向關菊英擁抱,並且拎走獎座……即係,關心妍以為個獎係自己。當時3位主持都一頭霧水,提醒完關心妍先知自己出事!但係太遲嘞,呢件事已經成為網路笑料,關心妍索性化尷尬為力量,將呢件事寫成歌詞自己唱返,首歌就係叫《關家姐》。

羅力威胡鴻鈞要「換獎」 多得崔建邦

【萬千星輝2020】劉丹爭啲成為關家姐第二 直播節目尷尬位 點少得「請坐低」
【萬千星輝2020】劉丹爭啲成為關家姐第二 直播節目尷尬位 點少得「請坐低」

成日都有歌手幫電視台做嘢「換獎」嘅傳聞,原來真係會發生……不過就唔係有咩內幕交易。《2012年度十大勁歌金曲頒獎典禮》頒發最受歡迎男新人獎時,司儀崔建邦宣布時竟然將金獎同銅獎得主掉轉,本來金獎由胡鴻鈞奪得,變成俾咗羅力威;到三個歌手拎晒獎座之際,崔建邦知道出錯唯有認衰,搞到胡鴻鈞同羅力威要公然「換獎」……交換獎座呀!

李文彪上台申訴 Do姐執生值千金

【萬千星輝2020】劉丹爭啲成為關家姐第二 直播節目尷尬位 點少得「請坐低」
【萬千星輝2020】劉丹爭啲成為關家姐第二 直播節目尷尬位 點少得「請坐低」

呢件事足以證明識執生嘅司儀幾咁緊要!2002年TVB喺紅館舉辦《星光熠熠耀保良》,喺表演嘉賓薰妮出場前,前TVB藝人李文彪扮工作人員殺上舞台,將字條遞俾司儀之一丘凱敏,寫住係「李文彪先生捐款50萬」,丘凱敏不知就裡讀出。李文彪隨後搶走另一司儀蔡子健支咪,申訴自己多年前效力TVB拍劇受傷。同場經驗豐富嘅鄭裕玲知道出事,一手推開李文彪,之後再立即介紹薰妮出場,總算化解事件。

伍衛國走音大叫「請坐低~」

【萬千星輝2020】劉丹爭啲成為關家姐第二 直播節目尷尬位 點少得「請坐低」
【萬千星輝2020】劉丹爭啲成為關家姐第二 直播節目尷尬位 點少得「請坐低」

2006年TVB節目《超級靚聲演鬥廳》喺商場做直播,主持之一係以往拍劇多嘅伍衛國。可能現場氣氛太high嘞,伍小生大聲叫現場觀眾「請坐低」嘅時候,個「低」字嚴重走音,搞到身後嘅馬浚偉笑爆咀。唔少網民都將呢條走音片段二次創作,聽到停唔到。

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!