【萬千星輝2020】最近10年視后下落 只剩李佳芯唐詩穎留TVB 其餘去晒邊?

·5 分鐘文章

今個星期日舉行嘅【萬千星輝頒獎典禮2020】,除咗觀眾想知獎項花落誰家,有份角逐嘅藝人更加肉緊,畢竟有獎項加持身價都會水漲船高!翻查資料,過去十年嘅視后,得獎之後都先後出去搵食,留低嘅反而冇咁多路數。

2010年 - 鄧萃雯《巾幗梟雄之義海豪情》

【萬千星輝2020】最近10年視后下落 只剩李佳芯唐詩穎留TVB 其餘去晒邊?
【萬千星輝2020】最近10年視后下落 只剩李佳芯唐詩穎留TVB 其餘去晒邊?

當年鄧萃雯以「九姑娘」成為首位「冧莊」視后,一吐《金枝慾孽》大熱倒灶輸俾黎姿嘅烏氣,後來拍埋萬眾期待但收視唔得嘅《金枝慾孽貳》後走人。當年有傳雯女過檔HKTV,實情係北上發展,近幾年又回歸香港,拍過ViuTV嘅《婚內情》。2018年TVB開拍《多功能老婆》原意搵雯女做女主角,後來變成楊千嬅主演,但雯女強調冇推過《多》劇。

2011年 - 胡杏兒《萬凰之王》

【萬千星輝2020】最近10年視后下落 只剩李佳芯唐詩穎留TVB 其餘去晒邊?
【萬千星輝2020】最近10年視后下落 只剩李佳芯唐詩穎留TVB 其餘去晒邊?

喺TVB年代非常搏命嘅杏兒,得獎後留喺TVB 到2015年就離巢,之後轉簽蕭定一,完約繼續北上搵食。不過同一時間杏兒結婚做埋媽媽,所以內地劇作品唔算多,反而最近參與真人騷《演員請就位》第2季成為「年度最佳演員」更多人知。

2012年 - 楊茜堯(楊怡)《名媛望族》

【萬千星輝2020】最近10年視后下落 只剩李佳芯唐詩穎留TVB 其餘去晒邊?
楊茜堯(楊怡)《名媛望族》

同杏兒同一梯隊嘅楊茜堯,亦都係喺得獎後4年唔再續約,而且都係結婚嫁人兼北上發展。嗰期嘅楊茜堯參與過舞台劇演出,轉個頭就喺2017年返TVB拍《再創世紀》。上年4月楊茜堯誕下女兒小珍珠,並且同老公羅子溢(原名-羅仲謙)一齊改名,話咁快兩公婆就接拍中港合拍劇《家族榮耀》。

2013年 - 田蕊妮《巨輪》

【萬千星輝2020】最近10年視后下落 只剩李佳芯唐詩穎留TVB 其餘去晒邊?
田蕊妮《巨輪》

呢次得獎奠定阿田一線花旦之位,之後嘅《鬼同你OT》反應更好,可以話係事業高峰。2018年為咗做唱片停拍劇一年,一直留喺TVB至上年年初,結束13年賓主關係。

2014年-佘詩曼《使徒行者》

【萬千星輝2020】最近10年視后下落 只剩李佳芯唐詩穎留TVB 其餘去晒邊?
佘詩曼未拍《使徒行者》已經喺內地大有市場

劇中釘姐三個阿媽同時逝世,阿佘嘅演繹堪稱一絕,拎視后絕對值得。近年由TVB轉為北上掘金藝人當中,阿佘係發展得比較好嘅一位,拍過嘅內地劇《延禧攻略》、《燕雲台》都係「流量大劇」,有傳已經身家過億,掂!

2015/2016年 - 胡定欣《鬼同你OT》 / 《城寨英雄》

【萬千星輝2020】最近10年視后下落 只剩李佳芯唐詩穎留TVB 其餘去晒邊?
胡定欣同田蕊妮嘅「神同步」而家睇仍然好勁

第二位「冧莊」視后,拎完獎之後明顯放慢腳步,差唔多只係一年一劇。期間有向外闖,拍過電影《逆流大叔》。上年年底宣布改簽邵氏,同無線改為部頭合作,將會拍《白色強人II》。

2017年 - 唐詩詠《不懂撒嬌的女人》

【萬千星輝2020】最近10年視后下落 只剩李佳芯唐詩穎留TVB 其餘去晒邊?
唐詩詠《不懂撒嬌的女人》

其中一位仍然留喺TVB嘅視后,但係運水麻麻,2018/19兩年四部劇出街都反應平平,原本舊年上嘅《唐人街》直情被抽起,搞到成年冇見過唐詩詠!唯有寄望今年3套劇全數出街谷起人氣。

2018年 - 李佳芯《BB來了》

【萬千星輝2020】最近10年視后下落 只剩李佳芯唐詩穎留TVB 其餘去晒邊?
李佳芯演嘅港媽,勝在貼近生活。

本來冇人睇好嘅《BB來了》因為劇情貼地而引起共鳴,劇集出街令Ali成為媽媽界人物。不過後來因為就政治事件表態而被雪藏,近期先「溶雪」 ,近作《愛美麗狂想曲》被安排網上播放試水溫。

2019年 - 惠英紅《鐵探》

【萬千星輝2020】最近10年視后下落 只剩李佳芯唐詩穎留TVB 其餘去晒邊?
【萬千星輝2020】最近10年視后下落 只剩李佳芯唐詩穎留TVB 其餘去晒邊?

小紅姐查實拍過大量TVB劇,只係重返影壇打滾一輪再拎埋3個影后獎座之後,2019年重返TVB拍《鐵探》連視后都俾佢拎埋。上年主力拍內地劇,今年有望出街嘅《刑偵日記》小紅姐演精神分裂患者,值得期待。

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!

【相關搜尋】視帝視后陪跑王

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能