葉璇做第三者被法官判敗訴 被強制寫道歉信

一向都話,好人好姐何必要做第三者,搶人男/女朋友呢?近十年返上大陸發展嘅葉璇,就因為搶人男友,結果被對方原女友告上法庭,最後要賠錢兼寫道歉信!

話說2015時葉璇同富商小默先生搭上,高調拍拖仲話明好事近;隨即被小默先生原女友呂小姐出言大罵佢搶人男朋友,仲發表咗一篇文章《珍愛生命,遠離渣男》。葉璇仲即刻告呂小姐誹謗,而且不停於自己微博公開批評呂小姐。法庭最後判葉璇敗訴,必須立刻停止攻擊呂小姐,而且須公開道歉。日前葉璇就寫咗封道歉信,呂小姐放埋上自己微博畀大家睇,內容都係葉璇自認低威,話自「腦子壞掉」、「特別後悔」等等,另外再賠8萬人仔,認真樣衰。至於目前有傳葉璇同小默先生已經分咗手,不過是真是假無從得知。

做第三者從來唔係咩光彩嘅事,尤其做富商嘅第三者,好聽就叫情人,唔好就變情婦。本來娛樂圈中女藝人搶富商就唔係咩新鮮事,不過好葉璇咁要賠錢兼公開道歉就真係夠晒奇情,可以話畀各位第三者一個當頭棒喝,知驚未!