葡萄友：眾籌原來話咁易 以下5個古怪產品都成功？！

薯片叔叔上星期大玩眾籌，希望大家捐錢作為選舉經費，短短1日之間成功籌得300萬！唔同大家講政治啦，只集中討論眾籌呢回事，其實眾籌（Crowd funding）近幾年都發展得好多，最出名嘅網站例如Kickstarter等，大家只要將自己嘅Idea放上去，等大家籌錢投資，幫你實現願望。不過通常眾籌都係以一件產品為目標，薯片叔叔今次籌錢作選舉之用的確開創先河！今日再同大家望遠少少，世界各地都曾經有過好多令人摸不著頭腦嘅眾籌項目，最叫人惶恐嘅係，又真係成功籌到錢。所以你話，呢個世界，點到你唔相信係笨人主宰吖。

武器鑊鏟 籌得金額：美金$46,000

一個普通不過嘅平底鑊，係手柄之處加上兩把短劍，令人不禁諗起「聞西」嘅攞你命三千！

水晶火腿 籌得金額：美金$2,800

老外最鍾意早餐加幾條火腿，但都無理由鍾意到設計上一條水晶火腿作為飾物下嘛！

鬍鬚面罩 籌得金額：美金$3,100

創作者話好多人想試下留到滿面鬚，於是設計呢個面罩，仲聲稱有保暖作用同「和你面額有個擁抱。」

肥牛番梘 籌得金額：美金$2,000

咪以為只係肥牛樣嘅番梘，事關呢個番梘真係由動物副產品提煉，根據創作者原意，係令大家都可以感受一下好似動物咁Fresh嘅感覺喎。（？！）

便便Card Game 籌得金額：美金$12,000

外國人鍾意玩Board Game，不過呢個主題係便便嘅Card Game就短時間籌得$12,000。主要概念係便便產生嘅流程。