蔡淇俊離開TVB事業即起飛 北上發展飲食王國有聲有色

無綫深宵時段正在重播處境劇《同事三分親》，除咗關詠荷、江欣燕及金燕玲之外，蔡淇俊亦係戲份較重嘅演員。蔡淇俊曾獲TVB力捧，不過拍完《同事三分親》後就再冇代表作，事業未有太大起色。喺2014年佢選擇跳出舒適圈，離開無綫北上發展飲食業，現時佢嘅飲食事業已經發展得有聲有色。

現年37歲嘅蔡淇俊，2001年參加《TVB周刊》舉辦嘅「至型bug仔」比賽奪冠後入行，不過有「翻版霆鋒」之稱嘅佢星途平平，大多數都係飾演唔起眼嘅閒角，直至被《衝上雲霄》監製睇中，喺劇中飾演二副機長許光成，去到2004年佢更於《赤沙印記@四葉草.2》擔任主角，成功獲得觀眾認識和關注。之後2007年可以話係蔡淇俊人氣最盛嘅一年，佢憑《同事三分親》飾演陸哲一角，成功入屋，可惜之後佢再冇代表作。喺2014年，佢選擇離巢北上發展，轉戰飲食界，喺廣東佛山開設米線館，其後佢亦有開設火鍋店，成為內地飲食業鉅子。雖然佢嘅飲食事業發展不俗，不過佢都冇放棄演藝事業，間中都會客串幕前演出及登台。另外，近年健身風氣盛行，蔡淇俊都有加入健身行列，佢不時上載操肌照片，與網民分享其操肌成果。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！