蔡一智生日朋友準備「Happy Birthday 黃心穎」網民:零違和感

image

正所謂人有相似,同人撞樣一啲都唔出奇,不過藝人撞樣機會率好似高過普通人,好似有湯洛雯同倪晨曦、森美同Otto及鍾欣潼(阿嬌)同何超蓮等等。而黃心穎就同原本大䌫都扯唔埋嘅蔡一智撞晒樣,日前蔡一智同一班朋友慶祝佢54歲生日,齊齊去咗蘇施黃屋企食生日飯慶祝,古巨基夫婦、黃子華及金燕玲等等都有出席。

image
image
image

佢哋為蔡一智及古巨基老婆Lorraine等壽星慶祝生日,枱面放滿美食美酒,場面熱鬧,睇嚟佢哋玩得好盡興。除此之外,佢哋亦有為壽星準備生日蛋糕,蔡一智拎住嘅蛋糕就引起大家嘅注意,因為蛋糕上寫著「Happy Birthday 黃心穎」,唔少網民見到後都覺得好搞笑,仲笑話毫無違和感。而壽星蔡一智都有喺社交網站上載圖片並留言話俾佢班朋友笑到標眼水,蛋糕實在太有創意啦!

image

另外,同佢「餅印兄妹」嘅黃心穎,原來都係一月壽星,早前仲同一班TVB好朋友舉行咗29+1嘅校服Party。唔知佢哋之後會唔會一齊慶祝生日呢?

image
image