蕭正楠「失禁」凍到震

蕭正楠瞓身拍攝失禁場面!
蕭正楠瞓身拍攝失禁場面!

無綫新劇《破毒強人》前晚首播,演臥底的蕭正楠甫開場身份已曝光,結果被打毒品針,他受訪時透露拍攝前曾與導演商量如何呈現當時狀態:「傾咗好耐場戲應該點做、眼神應該係點,我覺得嗰時個人應該失禁,所以就話加啲失禁嘅畫面,但原來倒濕晒條褲、瞓喺廠嘅地板度係好凍,嗰時冬天又吹住大冷氣,個地板係凍到我不停打冷震。」

而演貪錢女人的胡定欣於主題曲片段中亦非常吸睛,不但肉緊地拿着銀紙在臉上亂舞,更躺在大堆銀紙上大擺S甫士,她坦言滿意拍出來的效果:「完全突顯到個角色同金錢嘅關係,感覺好似同錢Make Love!」