蕭若元談論曾江死訊資料嚴重出錯 誤將金城武當作曾江兒子 遭網民鬧爆：懂尊重嗎？

資深演員曾江日前（27日）於酒店隔離檢疫期間猝逝，終年87歲。消息震驚整個娛樂圈，唔少藝人都感到突然和惋惜。時事評論員蕭若元日前喺「memehongkong」YouTube頻道談論曾江嘅死訊，不過佢嘅資料竟然嚴重出錯。

已移民台灣嘅蕭若元日前亦有談論曾江嘅死訊，佢一如以往咁拎住平板電腦，讀出資料及加上個人意見，不過期間資料嚴重出錯，例如將林翠嘅名曾懿貞讀成曾懿、1964年嘅曾江已經29歲但讀成20歲、曾江第三任太太係焦姣，但螢幕顯示其與鮑起靜的合照；談及曾江子女時，螢幕竟然顯示金城武與其日籍爸爸嘅合照等等。當時蕭生未有發現，仲話「咦，呢個係幾靚仔喎！」。

網民發現蕭生資料出錯後，紛紛留言鬧爆，例如「曾江先生離世，蕭生笑笑口；態度輕佻，資料輕率；標榜自己識這個那個⋯⋯ 連一句對家屬的慰問説話也沒有。」、「最佳男配角！！看著也講錯！」、「1964年，曾已是29歲了，不是20。」、「老燒積下口德啦，你個標題同你講旣內容啦。以為你會緬懷下曾先生，原來你甘PK,仲係繼續喪笑！祝你都健康！！！」、「多謝蕭山令我知道原來曾江有個仔叫金城武」、「而家先知原來金城武係曾江先生個仔 , 唔係蕭生你講我真係唔知」、「蕭生，那幅父子合照好明顯係錯圖！！ 相中人 明顯 係金城武！！」、「曾江吾（唔）係做梁寬，係做凌雲楷」、「大佬阿，做功課用心點可以不？一張是金城武和他爸爸 另外一張和曾江合照的是鮑起静」、「蕭生，最近好多錯漏啵」及「懂尊重嗎？」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！