蘇皓兒被爆「私有化」!孖得獎導演男友同居築愛巢

·2 分鐘文章
蘇皓兒被爆「私有化」!孖得獎導演男友同居築愛巢
蘇皓兒被爆「私有化」!孖得獎導演男友同居築愛巢

短髮女神蘇皓兒近日於無綫劇《金宵大廈2》扮醜飾演毀容女,演技獲得觀眾肯定,近日佢被揭原來早被「私有化」,新歡更係曾獲香港電影金像獎及台灣金馬獎「最佳新導演」嘅電影導演黃進,有導演男友教路,即刻演技大躍進!

蘇皓兒演毀容女獲讚。
蘇皓兒演毀容女獲讚。
近日再被揭早被「私有化」。
近日再被揭早被「私有化」。
新歡係攞過金像及金馬獎嘅導演黃進。
新歡係攞過金像及金馬獎嘅導演黃進。

日前,蘇皓兒被拍得與黃進結伴,以一身便裝居家Look現身,由紅磡寓所步出,沿路愈行愈近「咬耳仔」,再甜蜜去到餐廳撐枱腳,期間蘇皓兒一臉陶醉,不時嗲聲嗲氣冧男友,又打情罵俏,絕對係熱戀中嘅小情人。而醫飽肚後,佢哋就折返愛巢,沿路仲好熟悉附近環境,快手到咖啡店選購咖啡豆後就孖住上樓,相信已開展同居生活。此外,有指蘇皓兒仲同男友共同收養貓貓「皮皮」,女方不時喺社交網大晒愛貓,而黃進亦養貓多年,有共同興趣難怪成拖友。

有指2人同居,兼一齊養貓。
有指2人同居,兼一齊養貓。
蘇皓兒仲帶貓貓出席朋友聚會。
蘇皓兒仲帶貓貓出席朋友聚會。

不過蘇皓兒(Chloe)接受東網訪問時,就否認與導演黃進拍拖,佢指:「同黃進導演係工作認識既朋友,並非報道所指既戀人同居關係。現階段以工作為主,感情方面仍然空白,將來有新戀情的話會同大家分享。」

不過蘇皓兒就否認戀情。
不過蘇皓兒就否認戀情。
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能