虎年撈起 旺到噓噓聲!陶大宇「殺手」歸位 倒轉公仔箱攻視帝

·2 分鐘文章
陶大宇的「水撥手」暫時休息,改以「摩打手」撈起攞意頭。
陶大宇的「水撥手」暫時休息,改以「摩打手」撈起攞意頭。

去年「倒轉地球」的陶大宇,年廿九出動「摩打手」將賀年菜愈撈愈旺,寓意虎年「噓」、「噓」聲風生水起!不過「錢」程錦繡的他,商演不會坐地起價,極富人情味。談到近年少拍劇,身為「師奶殺手」的他坦言恨攞視帝,希望今年有劇拍!

陶大宇去年在內地登台翻唱《倒轉地球》,憑獨特唱腔、「水撥式」台風及自創的「噓」震懾全場,影片迅即瘋傳,更由網絡爆紅到現實世界,「錢」途無限!最近他錄製賀年歌《紅陶大宇喜迎春》為大家賀歲,更趁年廿九搞搞震,出動「摩打手」撈起賀年菜,實行愈撈愈旺,虎年噓、噓聲撈起!

唔加價密密賺

一曲爆紅的大宇工作量大增,他說:「係多咗,亦可以話少咗,因為疫情好多工作都延期或取消。之前上去做嘅,係《倒》現象之前已經安排好,新工作就要過年後返上去還。」他強調不會坐地起價:「反而會掉轉諗,工作量多咗,收入就多咗,條數咪喺番度囉!最重要係疫情下仲有人搵你做嘢,已經係好幸福,時間、體力、狀態接到都盡量接。」又笑言會繼續「倒轉地球」,現時登台、商演也不會改歌,更要保持新鮮感「噓」得起勁,帶動氣氛。

自嘲衰挑剔

在無綫出身被譽為「師奶殺手」的大宇,近年劇集產量減少,箇中原因連他自己也充滿問號,他笑說:「我想拍㗎!係啲人唔搵我咋!我都好想知點解,我咁好用、咁好演技又百搭都唔搵我,咁我咪走去唱歌囉!」搞笑過後,他認真說:「其實無綫、有線、ViuTV都搵過我,有啲唔係我杯茶,有啲就擱置咗,我都唔知點解停晒冇劇拍,都係自己衰,太過挑剔,揀吓揀吓又一年,搞到大家見唔到我拍劇,只係見到我商演。」

網民力推大宇重返劇界,誓要還「師奶殺手」一個「視帝」獎項,他說:「視帝呢個名銜喺電視圈發展嘅都想攞,但我唔應該有遺憾,因為我走之前(約滿無綫)都未有呢個頒獎禮。」自由身多年的他,對任何電視台邀請也無任歡迎,唯一要求是不拍古裝,因比時裝辛苦3倍,亦自覺外形較適合時裝劇。

場地:中華小館

一心帶歡樂給大眾的陶大宇,以招牌動作偕老虎仔放笑彈。
一心帶歡樂給大眾的陶大宇,以招牌動作偕老虎仔放笑彈。
陶大宇沒有因爆紅而坐地起價,寧願密食當三番。
陶大宇沒有因爆紅而坐地起價,寧願密食當三番。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能