街頭自彈自唱爆紅 Judas Law簽公司出道做歌手

二十三歲嘅街頭歌手羅凱鈴（Judas Law），喺街頭演唱咗三年。早前有網友上載咗佢喺大埔墟站自彈自唱梁詠琪嘅歌曲《一天一天》嘅短片到社交網站，短片迅速於網絡瘋傳。Judas瞬間人氣急升，獲得唔少網友激讚佢唱歌好聽丶把聲好療癒丶唱功仲好過唔少職業歌手等等。

憑一支結他加上一把清新嘅靚聲，佢嘅個人專頁由幾百人激增至9萬，之後亦開始有客戶同商場邀請佢演出。原來佢4個月前已經簽咗經理人公司，出道做歌手，就快會有自己嘅作品同推出唱片。