袁詠儀「繽FUN Live」教仔:等佢受吓情傷

東方日報
·2 分鐘文章
袁詠儀原本打算結婚20周年大搞,無奈疫情關係只好告吹。
袁詠儀原本打算結婚20周年大搞,無奈疫情關係只好告吹。

東網「繽FUN Live」前晚請來袁詠儀擔任嘉賓,期間魔童「亂入」成為焦點。她大爆兒子受女仔歡迎,又指魔童自稱追女仔要叻過爸爸。

影后袁詠儀(靚靚)前晚為東網「繽FUN Live」擔任嘉賓,與主播俞詠文暢談,訪問期間兒子張慕童(魔童)現身直播,令網民起哄。她笑謂有時看着魔童好似看見老公,希望仔仔性格是父母的混合體:「性格優哉游哉似老公,但煩就唔好似佢,似我灑脫好啲!」

張振朗靚仔啲

靚靚又爆仔仔多女仔鍾意,她笑說:「老公話自己16歲拍拖,仔仔話要超越爸爸,唔知佢講真定假,等佢受吓情傷,唔好以為個樣好啲,就唔會畀人飛!(你會唔會係野蠻奶奶?)唔會,會提醒自己點做奶奶,唔會要求同我一齊相處,陪我走到最後嘅係老公,仔有自己伴侶要照顧。」對於網民覺得張振朗外形聲線甚似張智霖,靚靚笑說:「梗係唔似張智霖啦,人哋靚仔咁多。」

張智霖唔浪漫

下月8日便是結婚20周年,靚靚透露老公能趕及回港慶祝。談到最難忘的結婚紀念,她笑說:「冇特別,因為老公唔係浪漫嘅人,佢只會話食餐飯囉,唔會諗布置吓、開吓Party,我就浪漫啲,鍾意玩同熱鬧,今年20年好難得,本來想邀請20對couple開化妝舞會,但依家可能要留番25周年先得。」提到她被指是「買包狂」,靚靚笑說:「邊個女人唔鍾意包?我得幾個咋,最緊要可以不停用,唔會過時實在啲!」

靚靚與俞詠文於直播期間,魔童突然現身,給網民驚喜。
靚靚與俞詠文於直播期間,魔童突然現身,給網民驚喜。