被大台減薪95% 資深綠葉演員劉桂芳轉做part time

娛樂LOL

喺無綫工作超過23年嘅蓋世寶(LuLu),曾經主持兒童節目18年,係唔少80、90後嘅童年回憶,不過將於2月約滿嘅佢,被公司要求人工減三分一至7千蚊,所以日前佢宣布離開決心離巢。消息傳出後,唔少網民都支持佢呢個決定。

不過被減人工嘅藝人,唔止蓋世寶一個,原來仲有大把,有啲仲慘過Lulu,好似61歲嘅資深綠葉演員劉桂芳,佢睇完Lulu嘅報導後,忍唔住喺Lulu嘅社交網站上留言話自己嘅人工被減咗百分之95。

之後,劉桂芳接受傳媒訪問嘅時候就話公司好多員工都係咁,不過佢話無綫話呢啲唔係叫減薪,係改佢哋嘅合約,改晒做兼職。劉桂芳仲話呢啲嘢冇得講,因為係你情我願,無綫可以叫佢唔簽,但係佢又唔想周圍走,所以就俾佢減人工。

唔知仲有邊位藝人同佢一樣情況呢?

你可能還想看