【被指劈腿】《全民造星》入行 被嘲「八両金」吳保錡入ERROR有運行

·2 分鐘文章
【被指劈腿】《全民造星》入行 被嘲「八両金」吳保錡入ERROR有運行
【被指劈腿】《全民造星》入行 被嘲「八両金」吳保錡入ERROR有運行

今日有報導踢爆,Viu TV搞笑組合ERROR成員吳保錡同網路女神沙律(張沛樂)去元朗拍拖睇紅葉,二人冇否認戀情。但係隔一陣就有傳媒搵到據稱係保錡女友嘅model Carrie,佢話同保錡未分手,去年十月仲一齊慶祝生日,只係男方最近態度冷淡,惹來保錡偷食做「賤男」疑雲。

【被指劈腿】《全民造星》入行 被嘲「八両金」吳保錡入ERROR有運行
【被指劈腿】《全民造星》入行 被嘲「八両金」吳保錡入ERROR有運行

今個月就30歲嘅保錡,2018年因參加《全民造星》而為人認識,同屆參加者有姜濤、陳卓賢及盧瀚霆(Anson Lo)等。保錡喺《造星》之前已經入行,拍過《奇緣灰姑娘》及《男人唔可以窮》等電影,不過星運平平於是轉做幕後。

玩《全民造星》被嘲「八両金」 窮到俾女飛

保錡參加《全民造星》殺入20強,輪排名比後來加入MIRROR嘅成員更高,但係表現未算突出,反而最有印象嘅係被網友嘲笑佢似八両金,保錡話嬲到瞓唔著!而喺《造星》節目入面,保錡哭訴因為參加比賽冇收入,搞到冇錢買禮物俾女友導致分手,估唔到2年過後變成「女神收割器」!

【被指劈腿】《全民造星》入行 被嘲「八両金」吳保錡入ERROR有運行
【被指劈腿】《全民造星》入行 被嘲「八両金」吳保錡入ERROR有運行

比賽過後,《全民造星》監製花姐將保錡連同其餘幾位《造星》參加者何啟華(阿Dee)、梁業(肥仔)及郭嘉駿(193),打造成搞笑組合ERROR,可算係同樣由《造星》參加者組成嘅MIRROR兄弟團。雖然風格騎呢,但係演出機會唔少過MIRROR,包括同埋花姐出埠拍攝兩輯《花姐ERROR遊》,又試過喺旺角麥花臣場館開talk show。

【被指劈腿】《全民造星》入行 被嘲「八両金」吳保錡入ERROR有運行
【被指劈腿】《全民造星》入行 被嘲「八両金」吳保錡入ERROR有運行

MIRROR喺叱咤威到盡,ERROR儘管冇獎,但係連續2屆喺「我最喜愛的組合」打入7強,單曲《我們很帥》喺多個流行榜拎到三甲,加埋仲有唔少代言廣告,人氣算唔錯,希望保錡嘅疑似三角戀新聞唔會影響ERROR啦。

【被指劈腿】《全民造星》入行 被嘲「八両金」吳保錡入ERROR有運行
【被指劈腿】《全民造星》入行 被嘲「八両金」吳保錡入ERROR有運行