被梅媽脫離關係 冇得拎生活費 梅啟明︰我對阿媽一啲都唔感恩

·1 分鐘文章

梅媽覃美金早前登報宣稱同兒子梅啟明斷絕母子關係,梅啟明今日喺酒店……對出街頭見記者。佢話事件同自己早前就電影《梅艷芳》涉嫌侵權控告電影公司有關,梅啟明質疑梅媽係因為收咗利益,驚有麻煩而脫離關係,但係追問之下梅啟明承認純屬揣測。梅啟明提起官司時好勞氣,認為自己2004年已經註冊咗商標同版權,會追究到底。

梅啟明
梅啟明

講到錢銀問題,梅啟明承認被阿媽「制水」,已經冇俾佢每月2萬嘅生活費。佢話對梅媽「唔感恩」,又爆對方每月從梅艷芳遺產分配到25萬,但只係俾自己2萬蚊,否認梅媽話佢貪財嘅講法,「要貪財一早貪咗啦!」。梅啟明自稱有樓收租,只係因為有「租霸」先影響收入。

梅啟明之前話自己有工作,咁收入加埋租金同生活費應該夠使,有記者質疑佢係咪包二奶,梅啟明否認,但坦言「有女朋友」而且未離婚。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!