被爆享「特權」多人服侍 周嘉洛兜巴星 陳瀅唔敢還拖

周嘉洛、陳瀅、JW與朱敏瀚拍劇變熟落,合照都要黐到實。
周嘉洛、陳瀅、JW與朱敏瀚拍劇變熟落,合照都要黐到實。

緋聞情侶周嘉洛與陳瀅昨日孖住出席新劇宣傳,席間大耍花槍,陳瀅眼紅嘉洛有得唱主題曲,再爆拍檔在化妝間有3人服侍,之後又指他拍攝一場掌摑戲時「真打」,笑言當時仍未熟落,否則必定「還拖」!

周嘉洛、陳瀅、朱敏瀚、王灝兒(JW)、張頴康及麥美恩等昨日出席無綫劇集《痞子殿下》宣傳活動,席間播出劇集的拍攝花絮,打扮性感的陳瀅爆料指一場被嘉洛掌摑的戲份原定是借位拍攝,沒料正式埋位時對方竟出盡力摑她,令她來不及反應,頓時眼濕濕:「本來諗住就住打或者避鏡頭,點知佢真係打落嚟!不過我喺劇入面成日打佢,都冇所謂,我未試過畀男人打,嗰下真係出咗戲!(唔還手?)因為當時唔熟,如果熟咗之後拍,我會打番佢之後先再拍!」嘉洛表示有即時向陳瀅道歉,又指從未打過女人,反而試過太眼瞓而打自己。

首演男一的嘉洛兼唱主題曲,受訪時面紅紅,笑指聽到自己的歌聲感尷尬,陳瀅即「呷醋」指曾向監製自薦,可惜被「彈鐘」,又踢爆拍檔試過在化妝間睡着,劇組出動了3位同事服侍他:「一個托住佢個頭、一個幫佢整頭、一個化妝,我拍晒片㗎!」

朱敏瀚不捨余思霆

至於剛宣布與余思霆和平分手的朱敏瀚心情不錯,他說:「我OK,分手最主要係因為疫情,長期分開,呢2年真正見面只得2個星期,覺得好難維繫。(有冇努力挽回?)有共識,我哋有傾有講,期間冇嘈過交,表現成熟。」更指彼此再見亦是朋友,將來會繼續支持對方。他坦言有不捨,但會向好的方向想,並指余思霆仍身在台灣,預計9月返港時再約見面,至於會否復合?他說:「做住朋友先,我哋都忙於工作,現階段做好眼前嘅嘢,再睇可以行幾遠啦!(分手有冇涉及第3者?)冇!」

張頴康鬥擺甫士時,拉高褲管出賣「美腿」,十分搞笑。
張頴康鬥擺甫士時,拉高褲管出賣「美腿」,十分搞笑。
麥美恩露腰派心。
麥美恩露腰派心。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能