被胡鴻鈞睇好奪視后 劉佩玥自知不是最佳：也太早了

【星島日報報道】胡鴻鈞、劉佩玥（Moon）、朱智賢、伍富橋、黃庭鋒、黃美棋為晚上首播的電視劇《救妻同學會》進行宣傳活動造勢，玩多項遊戲。Moon憑此劇角逐《萬千星輝頒獎典禮2018》的「最受歡迎電視女角色」、及以劇集《跳躍生命線》首獲提名「最佳女主角」；胡鴻鈞亦有4首電視歌曲入圍，當中這劇佔2首。 對於劇集未播先入圍，Moon謂：「公司會先睇過部劇，到正式播放時大家也會留意，再選擇投票，與得寵拉不上關係，當晚就像參加party，不用執著。」繼而與胡鴻鈞異口同聲表示會享受參與頒獎禮。在旁的胡鴻鈞又突然爆句：「我對Moon奪『最受歡迎電視女角色』無信心！」豈料隨後更抵死說：「但睇好她憑《跳躍生命線》角逐『最佳女主角』！」搞到Moon問他：「係咪搞事？係咪想打？根本係玩我！」胡鴻鈞即解釋因也有留意該劇，真的很好看。Moon則指獲2項提名已經好開心，特別是首度獲提名「最佳女主角」，但自知不是最佳，反而得獎會自覺太早，因自知當有許多學習之處，是以會視為一項鼓勵，不會因此感驕傲和滿足，仍會繼續努力。 另，同場的黃美棋相隔逾10年再亮相無綫劇集，媽咪和男友鍾健威也到場支持，她亦坦承有請高人擺陣催旺工作，又透露眾演員已相約一起食飯睇首播。（攝影：林子棠）

睇更多