許廷鏗IG駭客入侵被換上性感大胸女 失而復得:之前嗰張真心badtaste

·3 分鐘文章
許廷鏗IG駭客入侵被換上性感大胸女 失而復得:之前嗰張真心badtaste
許廷鏗IG駭客入侵被換上性感大胸女 失而復得:之前嗰張真心badtaste

入行11年嘅許廷鏗(Alfred),早前勇奪《叱咤樂壇頒獎典禮2020》男歌手金獎,成為全城焦點。噚日佢突然喺Facebook出PO向網民求救,指自己個IG被駭客入侵:「Instagram 被 hacked #點解要揀一張咁冇taste既相做profile #唔好再delete我啲post啦 #打得好辛苦架救命 #你邊度人啊」許廷鏗個IG除咗頭像被換上性感大胸女相片,仲俾人喺BIO加咗土耳其國旗同出咗一個土耳其國旗相片並寫上「Red and White」。

唔少網民知道後,紛紛留言話安慰佢:「希望快啲攞得返 hacker好無品,delete左好多千字文」、「你post 個有胸肌嘅相出嚟啦 等hacker知何謂叫靚」、「還我哋alfred呀!」、「唔使驚有得復原,ig會幫你」及「你有認證 應該易d拎得返」等等。

好彩嘅係,佢個IG帳戶最後失而復得,而佢亦上載一張拎完男歌手金獎喺後台抹眼淚嘅相片,並留言:「各位我回來了😭😭 剛剛幾個小時經歷了2021的第一個失而復得,我以為會失去了我的Instagram Account。我剛才真的好慌亂,見住一張一張相片被消失,用心雕琢的文字慢慢不見,真的好心碎,我沒有誇張。雖然說是虛構網上平台,但原來當一件事你長年累月 苦心經營,真的會好揪心,想到還有大家的留言、dm、鼓勵,我就差點忍不住了...這張相攝於當我拿了男歌手金獎的後台一瞬間,台上再鎮定 我都會有情緒爆發的時候,是感動的眼淚 正好用來表達我現在的感受。謝謝 instagram 各地方的專才,謝謝替我擔心慰問的所有朋友家人,謝謝你們的關心及愛,謝謝留言給我的你們。原諒我慌張得失常,我會好好繼續為大家經營好我們的橋樑,有什麼都可以隨時繼續在這裡分享交流「2021 請繼續指教 我係許廷鏗」#轉返張profile相 #之前嗰張真心badtaste #今次真係無力感」

許廷鏗IG被駭客入侵
許廷鏗IG被駭客入侵
許廷鏗IG失而復得
許廷鏗IG失而復得
許廷鏗
許廷鏗
許廷鏗
許廷鏗
許廷鏗
許廷鏗
許廷鏗
許廷鏗
許廷鏗
許廷鏗

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!

【相關搜尋】陳自瑤IG被盜遭勒索