話時話: 又要鬧又要睇 留名等睇幾年後《溏心風暴3》又被稱為神劇
再三添食的《溏心風暴3》,作為今年度最後一套播放嘅台慶劇,又同大陸企鵝影視合拍的劇集,可以話聲勢浩大。昔日班底只剩下四大長老李司棋、夏雨、米雪、關菊英,同埋阮兆祥,而新血有黃宗澤、王浩信、岑麗香、黃翠如等,班底夠唔夠照,就真係見仁見智啦,唔少網民就覺得溏心已風光不再,即使隔硬加入金句或潮語對白,仍然覺得老土,有網友更話睇咗15分鐘就已經唔想睇。
其實《溏心3》係唔係真係不及從前就真係言之尚早,但我想講幾年後極有可能被港人稱為「經典劇」。人總係不安於現狀,好似唔少公眾人物或劇集,當下總被插到體無完膚,但當時間久了,自自然然被擺上神枱,被萬人歌頌。以下呢3個不安於現狀的事,你又有無試過?!
搬離父母
以前同父母同住,成日想出街食,講多幾句都要發佢地脾氣,有時更係朋友面前數佢地不是,但如果搬離父母,你便會掛住佢煲嘅靚湯或佢地嘅關心。
讀書/返工
讀書個陣想返工,返工個陣想返學,相信呢一個階段,差唔多九成人都經歷過。
單身/有伴侶
單身個陣覺得好寂莫,尤其大時節日更加唔想出街,怕被旁人閃盲。但有咗愛人之後,又嫌沒有私人時間,又嫌儲唔到錢,卻成日同朋友呻「單身幾好?!」
相片來源:tvb.com