詹天文生日應援巴士被批老土 網民：長輩圖Style?

韓星粉絲團流行喺偶像生日期間舉行不同嘅活動慶祝，而呢股「生日應援」文化亦吹到嚟香港，一班粉絲除咗會設計周邊產品及租地鐵或巴士站整燈箱應援等之外，亦會買起巴士車身廣告俾大家影相打卡。嚟緊3月2日就係After Class成員詹天文（Windy）嘅17歲生日，一班錫佢嘅粉絲就為佢買下巴士車身廣告做生日應援，不過個設計就被網民狠批老土。

3月2日就係詹天文嘅生日，一班「天文台」（Windy粉絲暱稱）好有心咁為佢買下巴士廣告做應援，近日就被連登仔影咗應援巴士嘅相片，並以「點解依家越黎越多不知名人士喺巴士落廣告，真係唔知個醜字點寫？」 為題喺討論區出PO，結果引起網民熱議。唔少網民睇過應援巴士相片後到大彈設計老土又唔掂，例如「勁醜樣」、「好似政府啲廣告咁老土」、「成個廣告設計最失敗嘅係揀錯background同字體Design，搞到好似漁農署啲郊野公園廣告」、「哇好核突」、「車尾句生日快樂嘅字體大陸味好濃」、「長輩圖Style?」、「小學玩小畫家程式」及「有錢落廣告，無錢請designer」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！