誕下三千金 老公享受「畀女圍」 陳嘉寶宣布封肚 唔考慮追仔

星島日報相片
星島日報相片
星島日報相片
星島日報相片
星島日報相片
星島日報相片
星島日報相片
星島日報相片
星島日報相片
星島日報相片

【星島日報報道】女星陳嘉寶(Anjaylia)和老公黃頌祈婚後育有兩女,早前陳嘉寶表示再次懷孕,但事前不肯透露第三胎性別。昨日她終於宣布好消息,細女Azaliah已於月初出世,她笑言老公最享受,因為又多一個女圍住他,而她亦明言封肚,不會再追仔。

文:娛樂組

Anjaylia的預產期本於去年年尾,但BB「逾期居留」至月初出世,BB出生時重7.2磅,取名為Azaliah,在誕下Azaliah一刻,Anjaylia感動極了,「尤其係醫生將一出嚟嘅BB即刻擺喺我心口畀我抱咗好耐,之前兩個女都冇畀我抱咁耐。啱啱上一刻明明喺個肚入面,突然之間就出咗嚟擺喺心口上面,感覺好神奇。」

家姐初見妹妹超興奮

講到細女的英文名,Anjaylia表示老公的家人都是基督徒,有從聖經中為小朋友找英文名的傳統,故他們都跟足傳統,笑言找了幾個月才決定。而三個女兒的英文名都是有意思的,笑言當是送給自己的禮物,中文名則留給爺爺同嫲嫲改。至於兩位姊姊第一眼看到妹妹都非常興奮,大家姐完全沒有呷醋,二家姐就經常想摸妹妹,但就有少少呷醋,有時見Anjaylia抱妹妹都會走來叫她抱。

開Party揭露BB性別

Anjaylia生完三個後亦宣布封肚,不會考慮再追仔,她說:「我現在要好好坐月,保養好身體後才繼續向自己夢想進發,為三個女兒做個好榜樣,我同先生最大嘅目標係希望有三個小朋友、年紀近年紀近啲嘅,可以一齊成長係好開心嘅事,大女同二女一齊玩,大女會識得保護妹妹,二女學嘢都會學得好快,呢個策略成功!」她認為自己已經完成一個壯舉,又指老公對於被三個女包圍感到非常享受,並透露老公當初知道她第三胎都是女的時候,即時開靚紅酒慶祝。雖然她之前未有向傳媒公開BB性別,但一班早已知道BB性別的朋友就為她舉行gender reveal party,讓她一嘗篤波波(揭露BB性別的儀式)的心願。

■陳嘉寶和老公黃頌祈喜迎第三位千金,二人更決定三個夠晒數,不會再追仔。

■Anjaylia兩夫妻喜迎第三位千金,一眾好友大搞派對慶祝。

■三女於本月初出生,取名為Azaliah,即「親近上主」的意思。

■之前Anjaylia不肯透露第三胎的性別,但朋友就幫她大搞揭露BB性別派對。

■好姊妹蔡穎恩都有現身派對,分享Anjaylia的喜悅。

娛樂