講明會「裝吓」MIRROR演唱會 杜琪峯鼓勵抱恙Anson Lo:叫啲兄弟頂一頂

·2 分鐘文章
星島日報相片
星島日報相片
星島日報相片
星島日報相片
星島日報相片
星島日報相片
星島日報相片
星島日報相片

【星島日報報道】著名導演杜琪峯處男下海拍廣告,與鄭欣宜及Anson Lo晒演技,更明言會「裝吓」MIRROR演唱會,又鼓勵帶病開騷的Anson Lo放鬆心情,皆因有兄弟頂住!文:彭形影 圖:鄧國良

杜琪峯、MIRROR成員「教主」盧瀚霆(Anson Lo)及鄭欣宜(Joyce)昨日出席虛擬銀行廣告發布會,首拍廣告的杜Sir自認是新仔,大讚Anson Lo及Joyce比他叻及醒目!杜Sir又指做演員舒服,40多年來首次在片場覺得開心、零負擔及享受,若有邀約不排除繼續演出。他明言若有適合劇本會找Anson Lo及Joyce拍戲,亦承認會與ViuTV合作劇集。

笑問杜Sir會否欣賞MIRROR演唱會?他說:「可能會去『裝』吓!但睇晒全場就未必有耐性,睇吓『裝』到幾耐囉!哈哈!」Anson Lo即說:「杜Sir嚟裝吓,我 都好開心㗎喇!」談到繼姜濤排舞暈倒後,Edan及教主也「同病相憐」,Anson Lo說:「我目前情況OK,現在盡量不跟別人說話,希望大家唔會以為我寸啦!」杜Sir即笑說:「你哋有十幾個,唱得唔好都冇人知!你唔得咪叫啲兄弟頂一頂囉,唔係要咁多兄弟 做乜呀?」

欣宜跳爆盲腸炎傷口

此外,Joyce大讚Anson Lo好正,皆因大家都愛跳舞,一拍即合,更被教主踢爆拍廣告時跳爆盲腸炎傷口,Joyce解釋因為首次與教主合作,不想舞技被比下去,只好使出渾身解數,目前傷口已無大礙;杜Sir再爆金句說:「年輕人怕咩呀!爆完再爆!」

■杜Sir處男下海拍廣告,七情上面交足戲。

■Joyce大讚杜Sir好Cute,Anson Lo就超級緊張,皆因杜Sir氣場勁!

■Anson Lo廣告中騷舞技。

■Anson Lo開騷前抱恙,喉嚨唔舒服。

■Edan亦病咗,乖乖食藥。

■欣宜講到流晒汗,Anson Lo即遞上紙巾給「濕晒的姐姐」,果然是暖男!

娛樂