譚詠麟婚外情冇傳媒踢爆 盧覓雪揭真相 經理人爆陳奕迅演唱會後台「禁言令」原因

·2 分鐘文章
譚詠麟婚外情冇傳媒踢爆 盧覓雪揭真相 經理人爆陳奕迅演唱會後台「禁言令」原因
譚詠麟婚外情冇傳媒踢爆 盧覓雪揭真相 經理人爆陳奕迅演唱會後台「禁言令」原因

藝人要紅,聲色藝俱全以外,仲有一項搵食才能好緊要,就係人際手腕。YAHOO TV 《Mean傾》節目訪問娛圈經理人Kitty媽同民迪,講吓識做人有幾著數,就算有外遇都唔驚!

譚詠麟有第二段關係 咁大件事冇人講

譚詠麟婚外情冇傳媒踢爆 盧覓雪揭真相 經理人爆陳奕迅演唱會後台「禁言令」原因
譚詠麟婚外情冇傳媒踢爆 盧覓雪揭真相 經理人爆陳奕迅演唱會後台「禁言令」原因

主持之一盧覓雪舉一個教材級例,已婚多年嘅譚詠麟,早年有「紅顏知己」Wendy兼夾有埋私生子,行內「係人都知」,居然冇報章攻擊,令雪姐直言「厲害」!盧覓雪又話,成件事校長冇收買過任何人,能夠冚住呢單嘢同錢、江湖勢力無關,純粹係傳媒同校長感情好,大家一齊幫手。即使日後傳聞浮上水面,行家都只係輕描淡寫。

張國榮大戰譚詠麟 傳媒高層因為一樣嘢俾獎校長

嘉賓民迪爆料,80年代張國榮同譚詠麟人氣不相伯仲,當時有電台高層認為2個人全年表現難分高下,但係覺得校長份人好啲,於是有獎!另一位娛圈前輩亦同民迪分享,藝人幾叻都好,冇觀眾緣,點做都入唔到屋。雪姐再以譚詠麟為例,承認除咗外表算靚仔,計歌喉同跳舞校長唔算最叻,但拉勻嚟計平均分夠高,而佢最大賣點係份人夠真嘅魅力,咩都肯傾,唔似佢嘅「隊友」覺得自己高高在上。

陳奕迅親民愛吹水 演唱會後台要禁言

民迪以另一位親民人緣好嘅藝人做例子,就係人稱「吹神」嘅陳奕迅。曾經同Eason合作嘅民迪,試過街頭撞見Eason嘅司機,對方苦笑話喺條街等咗好耐都未走得,因為Eason同fans傾緊偈,傾咗2個鐘!民迪深知陳奕迅「水性」,佢話喺演唱會後台唔會撩Eason傾偈,因為一講就隨時傾天光!

譚詠麟婚外情冇傳媒踢爆 盧覓雪揭真相 經理人爆陳奕迅演唱會後台「禁言令」原因
譚詠麟婚外情冇傳媒踢爆 盧覓雪揭真相 經理人爆陳奕迅演唱會後台「禁言令」原因
譚詠麟婚外情冇傳媒踢爆 盧覓雪揭真相 經理人爆陳奕迅演唱會後台「禁言令」原因
譚詠麟婚外情冇傳媒踢爆 盧覓雪揭真相 經理人爆陳奕迅演唱會後台「禁言令」原因

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!

【相關搜尋】譚詠麟私生子譚曉風