【賭波小貼士】周六穩膽:狼隊「細細地」諗得過?

【賭波小貼士】周六穩膽:狼隊「細細地」諗得過?

周六重心

星期六21狼隊對賓福特[2/2.5]入球細1.68倍

今個星期嘅英超早場戲碼就真係一般啦,但咁又唔代表唔好買,從投注角度出法一樣有得諗。以呢場狼隊主場對賓福特呢個對賽為例,兩隊都係守強於攻,入球細可以話係全日穩膽。

星期六晚英超早場可以話係一場中游混戰,由狼隊主場鬥升班馬賓福特。睇咗兩支球隊季初幾場,攻力唔算話特別好,但勝在兩邊防守都幾硬淨,兩隊加埋8場都係入咗5球同失咗5球,所以呢場都唔好預期有太多波入。

足智彩今場嘅入球細一直處於低水,筆者建議可以搏埋[2/2.5]球嘅入球細較好分盤口。以往呢啲中游混戰都係一球勝負上落,如果最後1:1要走半格就當唔好彩囉。

周六過關

星期六21狼隊對賓福特[2/2.5]入球細1.68倍

星期六40 諾域治對屈福特[10.5]角球大2.07倍

星期六81 科隆對RB萊比錫讓球主客和[+1]主勝2.00倍

全中約6.96倍

有咗狼隊細呢個膽,不如推介埋條過關當係星期六成晚睇波打下氣咁玩。筆者第2關就睇中咗諾域治對屈福特呢場嘅角球大,原因係兩隊都鍾意打側擊,而呢啲下游對碰角球唔會少。個中位數係就係10.5比較高,但勝在有返超過2倍嘅回報。至於尾關要咗德甲夜場,RB萊比錫雖然周中歐聯作客對曼城踢得唔算差,但球隊近期防守真係太唔掂,分分鐘信心都冇埋,我就扒冷試下科隆受讓下盤啦。