雅虎香港新聞 
賴慰玲那些年曾被網友「負皮」 話佢把聲太⋯⋯
賴慰玲(Winki)最近演出《棟仁的時光》，雖然唔係女主角，但都獲唔少觀眾讚好，演藝學院出身嘅Winki當年主修演技，係校內高材生，曾演出過多部舞台劇，入行以來曾獲曾志偉、黃秋生等多位影壇大佬提攜，黃秋生仲讚佢係「小鄭裕玲」㖭！但原來佢過往拍《殭》時，都有畀觀眾「負皮」過⋯⋯
撰文：東方新地｜圖片：新傳媒圖片庫、賴慰玲IG
延伸閱讀：
賴慰玲 戀上郭子豪
新劇《棟仁的時光》中賴慰玲飾演嘅「阿Yan」同郭子豪飾演嘅「狄倫」係鬥氣冤家，後尾仲發展出辦公室戀情 , 唔少巴絲打都大讚佢嘅演出自然不造作。賴慰玲話劇中不時見到佢肚凸凸，原來拍攝當時佢已經開始陀B，佢話︰「套劇對我好有意義，因為係我陀住BB時拍，當時只得監製、Ben(袁偉豪)、子善同長興知道，佢哋對我都特別照顧！」
賴慰玲 演曾棟仁下屬
賴慰玲在《棟仁的時光》中飾演的是曾棟仁如好友一般的下屬「丘茵茵」，其性格敢愛敢恨，是個直爽的女生。
演藝學院出身
現年31歲賴慰玲讀演藝學院表演系出身，早喺佢讀中五那年，演藝已經破例讓Winki跳級入讀，曾演出多個舞台劇，後來經演藝學院老師羅冠蘭推薦，於2014年首次演出無綫劇《女人俱樂部》，試鏡期間一人分飾七角，當時佢深得監製曾志偉欣賞，安排她飾演少女版張慧儀「許珍妮」！
教李麗珍做戲
當久未演戲嘅李麗珍難以入戲時，曾志偉就搵賴慰玲幫手為李麗珍分析劇本，成功幫助李麗珍入戲。
黃秋生封「小鄭裕玲」
雖然賴慰玲初演TVB劇有唔少負評，但之後賴慰玲參演《梟雄》獲男主角黃秋生賞識，認為佢聰明而且反應快適合各種戲劇，又稱佢為「細玲」，讚佢演技拍得住「大玲」鄭裕玲。
賴慰玲是實力派演員，她曾跟黃秋生、甄詠蓓合辦的「神戲劇場」學戲，畢業攞埋證書。
作為舞台劇演員，賴慰玲曾演出多個劇團的作品，甚至曾經擔任第二十三屆香港舞台劇獎頒獎禮的司儀。
曾被轟尖聲趕客
後來在2016年《殭》中飾演的丘玲梅演出更大受讚賞，獲得更多人的關注。不過同時亦有好多網友彈賴慰玲喺《殭》入面個樣同把聲好趕客，畀「負皮」佢，賴慰玲解釋話自己可能係屬於尖聲嘅一個群組，喺演繹角色時好容易尖聲！
有片睇：
賴慰玲與舞台劇演員梁子峰拍拖五年，在去年31歲生日時，她在網上宣佈懷孕，同年12月誕下男丁。
一索得男後，賴慰玲經常在社交網絡上分享與囝囝的合照，大晒幸福！
傳魏焌皓疑鹹豬嘴麥明詩被TVB解約 │重溫娛圈八大鹹豬手事件！
趙希洛「御用癲婆」係隱形女筍盤 父經營石油生意
地點、酒店、甫士完全一樣│呢位女藝人向朱晨麗挑機……
張新悅意外懷第四胎│細數圈中10對多仔夫婦
延伸閱讀：
