走塑｜港商20年前推環保蔗渣餐具觸礁 轉戰海外翻身重返香港：行得最前就係生存之道｜Yahoo

【Yahoo 新聞報道】香港政府今年四月起推行「餐具走塑」，不少餐廳轉用紙餐具，坊間評價好壞參半。有港商早於 20 多年前開展蔗渣餐具業務，惟當時本地市場尚未成熟，嚴重虧蝕，「試過無晒錢，又賖又借」。港商無奈暫停香港業務，卻靠海外市場成功翻身，近年重返香港市場。適逢本港推行走塑政策，他正研究蔗渣到會盒、月餅盒等，「行得最前就係生存之道」。

蔗渣餐具公司 Purearth 負責人韓瑞源接受《Yahoo 新聞》訪問時表示，其父親於 1999 年創立公司，當年在台灣接觸蔗渣餐具，認為這盤生意大有可為，「爹哋覺得環保應該係個趨勢」。直至韓瑞源約 2004 年從父親手上接管業務，才開始真正思考減塑的意義，他也開始在日常生活減少使用塑膠，「諗點樣去做，反而自己養成環保嘅習慣」。

公司 20 多年前在港推出蔗渣餐具時，市場反應慘淡。韓瑞源解釋，當時自家產品較主流的發泡膠餐具貴近三至四倍，「當年啲人唔 buy，其實都係好正常」。環保產品在本地市場也不討好，「最初坊間對環保產品唔係咁 buy，真正會買嘅人唔多，尤其係香港」。公司生意觸礁，「曾經試過無晒錢，因為可以投入嘅都投入晒入去，錢賖呀借呀，其實乜方法都用到盡」。但他不願放棄，「個產品真係對社會有價值，我自己就覺得產品係一定可以發展」。他決定暫停香港業務，轉戰海外，「有啲唔甘心……又唔係覺得啲產品唔得，我唔想喺嗰陣時放棄」，形容當時根本看不見將來，「行多一日得一日，逐步逐步咁樣行」。

「嗰時成日都諗，我應該幾時返香港」

無奈轉攻外國市場，卻有意外收獲。他指當時美國市場氣氛截然不同，非常認同環保產品， 「外國人覺得環保有價值，值得畀多少少去買，覺得環保係需要做」，「靠外國市場揼石仔咁樣做，開始慢慢收支平衡、企穩喺個市場」。但他始終對香港念念不忘，「嗰時成日都諗，我（業務）應該幾時返香港，咩時候先係時機，（要成為）返香港第一批做呢啲產品嘅人」。恍眼十年，他觀察到港人的環保意識日漸抬頭，於 2016 年決定重啟香港市場，也非一帆風順，「最初搵 100 個人得 1 個人理我，不過當時嘅產品未係好好都係事實」。他繼續提升製作技術，加強防水及防油功能，兼且降低了成本，生意漸見起色，「100 個人有 9 至 10 個會理吓我」。

一路走來，終於等到政府推行走塑政策。韓指現時香港市場佔其公司的營業額超過一半，客戶包括甜品小店研香、經常向基層街坊派飯的燒臘飯店北河同行。他稱目前客戶以小店為主，「一個月有四隻到五隻貨櫃左右（的貨物）」。今年四月「走塑」政策實施後，他形容「面對嘅查詢係海量」，但旺丁並不等於旺財，「生意額係多咗，但唔係想像中咁多，因為過去一年經濟的確係差，好多我哋嘅客人都結業，一加一減之後係有增幅，但唔係好大」。

不斷改良可放焗爐 售價貼近塑膠餐具

公司製造蔗渣餐具多年，不斷改良防水及防漏性能，以及款式、硬度等。韓瑞源強調，其蔗渣餐具絕不含膠，「可以做到防水、防漏，可以裝酸嘢」；也可放進微波爐及焗爐（200℃以下），這點比塑膠更為優勝；價錢則貼近塑膠餐具，「個差價其實已經差唔多係無乜」。

目前走塑新例容許使用含膠塗層的紙容器，但韓質疑「咁就係三不像、四不像囉」。他強調其蔗渣餐具並無加上任何塗層，但打漿時加進防水防油劑，因此產品即使沒膠亦可防水、防油，更可自然分解，「做晒 test，大約係 90 日到 120 日，佢就可以完全分解」。

除了一般碗碟刀叉，公司正研發月餅盒、到會食物盤、甚至供醫院使用的餐盤，未來的目標是研發盛載預製食物及急凍食品的蔗渣餐具。他深信，無論在那個時代，「行得最前就係生存之道」。