Frankie@MIRROR後援會管理員宣布集體請辭 皮皮留言感激：超過滿分好多

男團MIRROR成員Frankie陳瑞輝（皮皮）去年底承認展開新戀情﹐圈外女友Christy連環被挖黑歷史，例如私生活不檢點、涉嫌令Frankie同隊友AK江𤒹生陷入疑似「爭女風波」及介入Frankie同前女友Hei戀情等等。Frankie其後被指責成「偷食渣男」，人氣及形象受損。喺前日（8日），Frankie出席《ViuTV 2025節目巡禮》時強調現時與女友感情穩定，目前會專注工作。

不過去到噚日（9日），佢嘅的後援會「Frankie Chan international fan club」Admin團隊以身體響警號為由決定集體請辭，聲明如下：

「由2018年起 FC成立本意為支持Frankie，幾年間，由零去學組織活動，每次都用盡全力去處理應援，過程中的表現及安排或許未能盡如人意，感謝一直有大家嘅意見、支持、諒解。

Admin們有認真思考過自己能力不足，有嘗試過尋求幫助，唯一可以透露就係我哋都係普通人，我哋有嘗試克服，去學習，繼續支撐下去，不過當身體已經響起警號，我哋無法忽視問題，所以最終決定卸下FC職務，亦已告知Frankie及經理人公司我們請辭的消息。

餘下會務的安排，公布如下：
‧ 營運費用：所有費用已全數用於生日應援
‧ 最後一次生日回禮亦已之前pin message所說的日子已經全部寄出。如大家仍然未收到！請在2024年10月13號前dm我哋，過後不再受理。美加及英國由海外admin收回運費。
‧ 在等待下一任FC如何組成前，如收到經理人公司通知有公開活動，我哋會代為出通告通知各位皮寶寶 ，但不會再組織任何應援活動及處理門票。

下任FC安排︰
於10月20號23:59前喺*會員TG grp*上提交pdf檔政綱，內容包括但不限於成員分工、願景、活動規劃。

如有多於一份將於會員grp投票選出；如只有一份亦會舉行通過或不通過之投票；如沒有參選fc位置將會空置。

多年來，大家對Admin們的意見，我哋都收到，但很抱歉我哋亦有難處，未能一一再作出回應。

祝大家一切安好，Frankie繼續發光發亮。

Frankie Chan international fan club admins上」

而Frankie亦有喺tg group留言感謝Admin團隊嘅付出：「好感謝fc由出道到而家無私嘅支持付出，辛苦晒fc去令每事件盡善盡美！我知道喺（係）一啲都唔容易，唔止自己嘅人生，fc要兼顧嘅事情又越來越多，年頭到最近一直都關心admins身心健康。fc付出嘅，已經超過滿分好多，超級感激同感恩一直有你哋去support住我陪我一齊經歷！」

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！