雅虎香港新聞 
《 超時空男臣 》首播 四大膠位逐個捉！
無綫Amazing Summer開鑼，其中一套重頭劇、蕭正楠、田蕊妮及曹永廉等人主演嘅《 超時空男臣 》噚晚就播出咗第一集，劇集又又又係穿梭時空橋段，而且估唔到一嚟就出現唔少盞鬼笑位，引嚟網民熱論！依家就等我哋一齊膠位逐個捉！
延伸閱讀：
1.「傳音小匣子」VS 打火機信物
劇情講述蕭正楠、曹永廉同何廣沛護送太子妃出嫁途中，由明朝穿越去到2017年嘅一個片場，並遇到飾演臨記領班嘅楊詩敏（蝦頭）。此時，蝦頭個手提電話突然響起，未見過任何科技產品嘅三位古人當然好驚訝，仲問蝦頭呢個「小匣子」係何方神聖！之後蝦頭又靈機一觸自稱係滿州公主「還珠格格」，仲話要同三位古人結為友好之邦。及後曹永廉拎出一塊玉佩作為信物，而蝦頭竟然拎咗個打火機出嚟交換！三位古人見到唔洗鑽木取火，當然對此寶物嘖嘖稱奇 ！
經典寫真女神逐個睇
《超時空男臣》 劇情介紹
三位「 超時空男臣 」喺古代未見過電話，當然十分好奇！
蝦頭自稱還珠格格，仲話要同三位「超時空男臣 」結盟！
$5 個嘅火機都俾「男臣」當係寶！
2.《 超時空男臣 》版「大海無量」
《 超時空男臣 》第一集就出現大量「精彩」CG特技，當中最吸睛嘅當然係蕭正楠嘅一招「大海無量」，睇到觀眾眼都凸！而心水清嘅網民就指出「大海無量」喺武打漫畫《中華英雄》入面都出現過喎！莫非係蕭正楠教司徒無量嘅？
TVB啲特技真係得啖笑！
3. 鄭子誠聲音演出
鄭子誠把聲老是常出現，今次《 超時空男臣 》劇組就盞鬼地搵咗鄭子誠做旁白講故仔，交代眾人喺霧林入面迷失嘅情節。鄭子誠個語氣鬼咁詭異，好似聽緊鬼故咁 !唔知之後仲有冇「音樂情人」聲演呢？
鄭子誠喺劇中飾演太監，仲想刺殺太子妃！
4.「輕功馬路飄」
三個古人喺《 超時空男臣 》大鬧片場不特止，仲玩到出城！劇情講到蕭正楠佢哋要搵返太子妃，於是就出「京城」搜索，點知「京城」已經今非昔比，三位古人要使出「輕功馬路飄」先成功追到坐喺電單車上面嘅「太子妃」！不過TVB又點會俾佢哋咁易搵到太子紀呢！原來只係一個着古裝嘅路人！想睇佢哋點搵返「真・太子妃」就要等下回分解啦！
假・太子妃
蕭正楠除咗「大海無量」，仲識輕功馬路飄！
全文完
延伸閱讀：
