身價曝光︱陳展鵬傳扭計要求加薪 被無綫減戲份懲罰

·1 分鐘文章
身價曝光︱陳展鵬傳扭計要求加薪 被無綫減戲份懲罰
身價曝光︱陳展鵬傳扭計要求加薪 被無綫減戲份懲罰

無綫視帝陳展鵬早前憑《逆天奇案》贏盡口碑及收視,令他人氣急升,更成為無綫新一代「收視福將」,不過近日有消息指他年底約滿,有傳他跟公司傾談續約時,有感要照顧患病的母親,加上家中添新成員後開支大增,逐要求加人工,每集酬勞要跟另一視帝黎耀祥睇齊,無綫對此未有答允,還將他在新劇《隱形戰隊》及《童時愛上你》的戲份大減以作懲罰,展鵬無計可施下無奈就範,更指他的年薪約500萬元。

對有關傳言,展鵬統統否認:「嘩!呢個價位(500萬)真係好可觀喎!雖然我份約未到,但係如果底薪係咁,唔好話逆市,就算最旺嗰陣呢個價都簽得過啦!仲話要加薪?冇可能啩!依家各行各業都喺冰點之中,係咪要同公司一齊過度艱難期呢?仲敢有人爭取多啲人工?係嘅話呢個人一定好有才華,但我自問唔係咁有才華嘅人囉!如果真係呢個價錢,我簽10年,年薪底薪Over再計,簽15年都OK呀,幾可觀呀!」而高層曾勵珍對於有指展鵬扭計、推劇,得罪高層一事,她謂:「絕對是謠言!做乜無端端會得罪公司?」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能