遭冒名開社交網 李佳芯急澄清 籲粉絲勿上當

李佳芯近期曝光率高企,想不到竟成為騙徒目標。
李佳芯近期曝光率高企,想不到竟成為騙徒目標。

李佳芯近日「百足咁多爪」,既包辦短片編、導、演及監製,又參與外語片配音及做節目主持,有騙徒得知她曝光率強勁,於網上以其名字開設假帳戶,更以金錢作利誘,佳芯獲悉後即反擊以正視聽!

「視后」李佳芯早前以健康理由辭演新劇,但依然曝光率高企,除了籌備1年的自編自導自演兼監製、宣傳關注腦退化症的短片《伴》於上月中上架,還參與荷里活電影的廣東話版配音,更有份主持黎諾懿監製的節目《仨心友行3》,可謂工作不斷!

不過有不法分子吼準佳芯蹤影處處,近日於網上以同名同姓開設假帳戶,就連頭像照片也跟足,相信粉絲一不留神便分不清真偽。該假帳戶以「特別活動獎5千港元」作為利誘條件,叫粉絲先完成帖文內的要求,包括點擊文中的網站,以及填寫電郵地址及手機資料等,更指獎金只限20名。

「一定係唔好嘅嘢」

由於涉及金錢利益,佳芯前晚即於社交網澄清,並上載假帳戶的騙人手段截圖,她寫道:「最近發現一個不是我本人的帳戶,大家請小心。」有醒目粉絲見狀,即留言教大家如何分辨真假帳戶,指真的佳芯帳戶名字旁邊有「藍剔」認證,不過亦有粉絲質疑有「藍剔」的佳芯帳戶是否其真人開設,佳芯即留言「Hi」及揮手圖案來回應,以證真身。

昨日她受訪時直斥冒認者:「一定係唔好嘅嘢啦!佢仲要喺我個留言入面撩其他粉絲傾偈,我見到即刻block咗佢!其實係fans club提我有假戶口,所以知道之後要第一時間釐清咗先。(有冇粉絲中招?)呢個人個帳戶冇『藍剔』,相信大部分粉絲都知係咩一回事,所以暫時未收到個別人有損失。」