雅虎香港新聞 那些年胡適和巴斯光年教曉我們的事！盤點《反斗奇兵》6句窩心語錄
有冇邊一套卡通片當你長大後重看會有另一番感受體會？兒時睇或者會覺得只係一套普通卡通片，大個睇返先發現原來蘊藏其他含意，我相信《反斗奇兵》必定會係其中一套榜上有名嘅卡通片。原來電影想帶出嘅訊息並唔係得「識講嘢嘅玩具」咁簡單，而有更多關於成長、愛、友情同親情嘅人生道理。等我哋喺《反斗奇兵4》未上映之前重溫一吓《反斗奇兵》嘅窩心金句啦！
「因為離開你的人愈來愈多，所以留下來的人就愈來愈重要。」 As more and more people leave you, the more and more important those who remain become.
生命中過客太多，有啲人匆匆來然後匆匆離開，有啲人留低咗好耐但到最尾都從你生命中消失......人愈大愈明白過客太多，會離開你嘅人實在太多，所以最尾選擇留低嘅人都會變得重要，更重要嘅係你知道留低嘅人都代表佢重視你，同埋你對於佢嚟講都同樣重要。
「不要因為它的結束而哭泣，要為它曾經發生過而微笑。」 Don’t cry because it’s over; smile because it happened.
《反斗奇兵》呢句金句可以話一炮而紅變成網絡上常用金句。生命入面總是充斥著無數終結同道別，要學識如何接受同面對。面對結束少不免會傷感，但係《反斗奇兵》教識我哋面對結束應該開心：開心因為佢曾經發生過，應該著眼於過程而並非結果。
「胡迪曾經冒險救過我，如果我不願意做一樣的事，就不能將自己說是他的朋友。」 Woody once risked his life to save mine, and I couldn’t call myself his friend if I wasn’t willing to do the same.
友情或者就係咁簡單，大家無計較咁互相幫助，見到對方有困難時會伸出援手。但隨住年紀漸長，你會發現呢種咁純真年邪嘅友情愈黎愈難搵。最完美嘅友情或者就係搵到你嘅胡迪或者巴斯光年。
「重要的是我們在一起的這瞬間。」 The important thing is that we stick together.
有時遇到困難或者陷入困境時，真係唔知點先可以做出困局，但如果呢個時候身邊嘅家人朋友仍然跟同你一齊，陪著你度過難關，似乎所有嘢都可以迎刃而解。你知道無論發生咩事都會有人陪住你呢種感覺真係既溫暖又踏實。
「對這世界來說，你也許只是某個人；但對某個人來說，你卻是全世界。」 To the world you may be just one person, but to one person you may be the whole world..
或者你從來無意識過自己有幾重要，甚至有時你會覺得自己好無用好垃圾，但要記住每個人都有佢獨特之處，亦有佢嘅定位。就算你覺得自己「什麼都不是」嘅時候，你可能對
「雖然我很堅強，但有時候，我還是需要有個人握著我的手跟我說，一切都會很好。」 I’m a strong person, but every now and then I also need someone to take my hand and say everything will be okay.
再堅強嘅人都有軟弱嘅時候，曾經聽過人講話「外表愈堅強的人，內心愈脆弱。」當我軟弱失意時，其實只需要你嘅一個擁抱，知道你會支持我會陪伴我就足夠，其他安慰嘅說話都可以唔洗講。
推薦閱讀:
Follow us on:
Facebook: CosmoHK
Instagram: @cosmopolitan_hk
YouTube: CosmopolitanHK
