雅虎香港新聞 
郭富城24年前承諾 向全港市民派利是 佢決定咁樣「找數」…
早前網上瘋傳一段郭富城24年前接受訪問的片段，郭富城喺片中下巴輕輕，話自己將來結婚後會向全香港市民派利是，人人有份！今時今日，郭富城結咗婚生埋女，係時候找數啦喎！呢日佢出席新春活動時，表示無可能逐家逐戶派利是，不過就提出一個更好的找數方法！大家收唔收貨呢？
郭富城24年前承諾 向全港市民派利是
近日網上流傳一段片段，原來係郭富城24年前的訪問片段！片段中城城稱自己未結婚所以唔會派利是，但就大大聲話自己將來結婚後，會向全港市民派利是，個個都有份！依家城城唔單止結了婚，仲做埋爸爸，咁係時候找數啦喎！
郭富城決定咁樣「找數」…
今日大年初五，郭富城同李丞責出席新春活動，活動上大家當然有提佢找數！城城笑說自己有留意呢件事，話自己當時剛剛出道，唔識得點應對傳媒；不過依家自己已經成家立室，既然曾經作出過承諾，佢一定會找數！
聽到呢度，相信大家都好興奮，不過聽埋城城講點找數先！城城坦言要佢逐家逐戶派利是係唔可能，所以佢大膽建議，就係將佢要派俾全港市民的利是，集合成一封大利是，然後捐去聯合國兒童基金會！代表全港市民將呢份愛送俾有需要的人。既遵守承諾找數，又可以做善事，城城呢個建議真係唔錯！
簡淑兒愈大愈靚 六年進化史重溫
陳瀅話朱晨麗「係雞係公廁」？
延伸閱讀：
