郭晉安撐老婆好學 反擊酸民

東方日報
·2 分鐘文章
郭晉安為老婆歐倩怡護航,以塞酸民悠悠之口。
郭晉安為老婆歐倩怡護航,以塞酸民悠悠之口。

郭晉安(安仔)老婆歐倩怡日前戴四方帽畢業,卻被酸民「狙擊」是用錢買學位,愛妻號安仔代為出頭,Man爆力撐老婆!而經常被傳婚訊的湯洛雯終極反擊,揚言以後不再回應失實傳聞!

無綫熱播劇《失憶24小時》的演員安仔、湯洛雯(靚湯)、譚俊彥、王君馨、譚凱琪等,昨日出席宣傳活動。安仔受訪時,講到老婆歐倩怡於社交平台開心宣布以一級榮譽畢業「食物及營養學榮譽理學士」,竟惹來酸民攻擊,指她靠老公面子入學,兼用錢換學位,安仔聞言即時護妻:「讀書就梗係要畀錢,唔好侮辱畀一級榮譽佢嘅教授,佢哋係專業嘅。」開心事卻被講閒話,會否為老婆心痛?他說老婆是半個娛樂圈人,難免易惹是非,又謂她好努力讀書,將來甚至有意於科研上發展,叫酸民放長雙眼。

而歐倩怡亦有於社交平台回應,自爆獲「一級」秘密:「通常夜晚考試,晏晝喺屋企瞓覺,頭腦清晰再去考試。」

回憶結婚如陷結界

早前盛傳靚湯8月跟男友馬國明結婚,她繼續否認之餘,強調是最後一次為傳聞回應:「真係冇!否認到大家都悶悶哋,講埋今次真係唔想再延續落去,希望大家高抬貴手!一有好消息會同大家講。」續解釋因新年忙於拜年、幫男友慶生,故缺席情人節宣傳。談及車牌率先「入門」,她笑說是幫男友慳錢:「佢屋企人唔揸車,咁就加埋我個車牌落去唔好嘥。」

打趣問安仔會否傳授結婚Tips給一對戀人?他笑指當年結婚都好迷糊,猶如進入了結界:「真係失晒憶!(畀人隊冧咗?)自己都想隊冧自己,藝人結婚唔係2個人嘅事,擺10間酒樓都唔夠!」

王君馨嘈得有道理

劇中飾演夫妻的譚俊彥、王君馨有連場吻戲,前者大爆老婆睇到眼超超。提到有網民指王君馨角色刁蠻、尖叫聲難頂,她笑言亦有留意評論:「呢個係我演過最唔理性嘅角色,講幾句就拎晒啲錢離家出走。」譚俊彥幫口說:「如果觀眾覺得佢嘈,即係佢做得好,角色效果係咁。」笑問王君馨對住老公是否都好刁蠻?她笑說「冇咁蠢」:「佢啲錢本身就係我啲錢!」譚俊彥稱要「上繳」所有錢,身上只得自動增值的八達通。

湯洛雯呻答到悶,不想再回應不真確的傳聞。
湯洛雯呻答到悶,不想再回應不真確的傳聞。