鄧佩儀唔敢劍指視后 譚俊彥瞓到懵墮騙局 失8千蚊

·2 分鐘文章
首做「女一」便入圍視后,鄧佩儀自嘲要排吓隊先。
首做「女一」便入圍視后,鄧佩儀自嘲要排吓隊先。

譚俊彥近日因撞樣Hit爆韓劇男主角李政宰而人氣爆燈,有不法之徒趁機打他主意,冒充影視平台發短訊騙財,令他損失8千多元,認真慘情!而首度孭飛「女一」的鄧佩儀,對視后之戰不敢多想。

譚俊彥(Shaun)、鄧佩儀、張頴康、朱敏瀚及陳庭欣等,昨日宣傳無綫劇《換命真相》,被指與《魷魚遊戲》主角李政宰撞樣的Shaun不停被取笑,令他哭笑不得,但原來有苦自己知。

他自爆慘成騙徒目標:「打風嗰晚去咗《廉政狙擊》煞科宴,第二朝瞓到迷迷糊糊,收到短訊叫我更新資料,我Click條Link入面有晒我資料,就照指示入信用卡個Code,結果中咗陷阱,畀人碌咗8千幾蚊港紙。佢顯示係非洲錢,我好蠢冇留意,有打去有關公司查詢,佢哋叫我停咗張信用卡。我想提醒大家,因為呢排套劇Hit,所以啲人用呢樣嘢呃錢,大家要小心。」對於撞樣一事,他坦言起初感尷尬,因有市民因而與他合照,但他有感帶給大家歡樂,自己亦不禁會心微笑。

鄧佩儀首當女主角便殺入台慶劇問鼎視后,她笑言要排多幾年隊;而Shaun認為演員拿到「入場券」要了解自己位置,談及爭視帝,他說:「播咗先講,要睇人氣同運氣,我每年都好少少,今年的確有少少運氣,所以平常心,做任何嘢都要堅持做到最好。」

張頴康靠老婆「放水」

至於張頴康自言日常開支依靠八達通,財政大權交由太太麥雅緻掌控,連月入多少也不清楚:「以前八達通每次只可增值250蚊,呢排太太終於批准提升到500蚊,好開心!我好少上網購物,之前想買塊草皮鋪地,叫太太教我都被拒絕。」平日多揸車出入的他,直至早前太太入院生第3胎,才學懂用手機App Call車:「原來唔使做司機係咁舒服,一上車可以睇風景,眨吓眼又返到屋企。今日落雨,太太都批准Call車,但只係單程。」談及細仔「小蛋黃」快將滿月,他笑指已為自己準備好「滿月酒」,因陪太太坐月而戒酒1個月,期待解禁。

譚俊彥(左起)、鄧佩儀與張頴康的關係,似乎好複雜喎!
譚俊彥(左起)、鄧佩儀與張頴康的關係,似乎好複雜喎!



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能