鄧達智力撐陳凱琳細佬似外國人唔出奇 直指林作膚淺唔熟近代華人史

鄧達智 & 陳凱琳細佬Derek
鄧達智 & 陳凱琳細佬Derek

陳凱琳(Grace)孖生細佬Derek喺今年父親節貼出攬實爸爸嘅合照,隨即引起網民熱烈討論,再被指佢同爸爸外貌唔似,輪廓似足外國人。「抽水王」林作當然冇放過機會,乘機焫火頭,揚言願意用100萬港幣向Derek發出驗DNA挑戰,及後更獲金主林媽媽加碼至1000萬,成為城中熱話。近日知名時裝設計師鄧達智(William) 喺接受傳媒訪問時,話覺得林作太膚淺,及不熟悉近代華人歷史。

喺接受傳媒訪問時,鄧達智重提呢件事,並話覺得林作太膚淺,佢覺得林作因Derek生得似外國人而感到驚訝,原因係佢唔熟悉近代華人歷史。而鄧達智自己亦係一個例子,佢雖然係元朗屏山鄧氏大家族嘅後人,不過佢就話自己細個嘅時候擁有一頭曲髮似南美洲人,對落個細佬單眼皮白白淨似北方人,喺厄瓜多爾開廠嘅細佬似墨西哥人,其他兄弟姊妹都有啲似歐洲人,而佢媽媽喺長出一頭白髮後亦好似一名外國人。William話以前中國人漂泊過好多地方,例如美國、墨西哥、古巴及印度等地,所以佢認為DNA隔咗兩代先出嚟係唔出奇,上幾代經歷過啲咩冇人知。

鄧達智指佢嘅外曾祖父喺厄瓜多爾首都Quito好早過身,所以家族嘅資料不詳,淨係相信外曾祖父好大機會死於當地,及知道媽媽係有外國人嘅血統。William就解釋話喺清末時期好窮,好多中國人因謀生嘅關係邊度都去,清末已經有遠洋輪船去太平洋,而秘魯亦係太平洋沿岸最早嘅海港之一,所以有人被「賣豬仔」去秘魯做苦工,而佢亦有聽姑婆講過話曾祖父及族中兄弟都去到南美人發展,當中有後人選擇返香港,亦有後人選擇留喺當地。

陳凱琳爸爸 & 細佬Derek
陳凱琳爸爸 & 細佬Derek
陳凱琳三姊弟
陳凱琳三姊弟
陳凱琳 & 細佬Derek
陳凱琳 & 細佬Derek
陳凱琳 & 細佬Derek
陳凱琳 & 細佬Derek
陳凱琳家人
陳凱琳家人
鄧達智
鄧達智
鄧達智
鄧達智
鄧達智
鄧達智
鄧達智
鄧達智

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能