鄧麗欣接栢芝棒 延續《12夜》

東方日報
·2 分鐘文章
新片日前開鏡,Stephy上載花絮照同影迷打招呼。
新片日前開鏡,Stephy上載花絮照同影迷打招呼。

女星張栢芝及陳奕迅(Eason)的經典作《12夜》日前秘密開拍延續作《12日》,今次由鄧麗欣(Stephy)及馬志威接棒演出。導演林愛華大讚Stephy表現出色,不擔心觀眾將她與栢芝作比較,兩者絕對有得揮!

電影《12夜》於2000年上畫,成本只得400萬港元,但導演林愛華(Aubrey)以「蔗渣價錢拍出燒鵝味道」,當年電影口碑載道,找來謝霆鋒及馮德倫等客串,連主題曲《黑夜不再來》亦成為Eason的經典歌,大受歡迎。

搵Eason客串?

由於劇本出色,當年栢芝曾叫Aubrey撰寫延續作劇本《12日》,惟多年來一直未有拍成電影,至去年終落實籌備,並於日前正式開工。Stephy與馬志威接棒成為主角,對於今次選角,Aubrey表示:「兩位演員同角色好相近,由27歲演到37歲,而且都係十分喜歡演戲。之前大家有討論過對婚姻、男女關係嘅看法,幾特別。(會唔會搵番栢芝、Eason客串?)《12日》同《12夜》唔同,冇太多客串角色,否則搵番Eason同栢芝客串,都幾有趣!」

女主角Stephy難免會被觀眾拿來跟前作的栢芝作比較,Aubrey對此並不擔心,並大讚Stephy冇得頂:「拍咗幾日,Stephy十分出色,現場都感覺到,所以唔擔心。雖然劇本係由栢芝而起,但主體係《12夜》精神,所以換咗唔同演員,精神面貌都唔會變。」

馬志威今次夥拍Stephy延續經典。
馬志威今次夥拍Stephy延續經典。
當年由Eason及栢芝主演的《12夜》口碑絕佳。
當年由Eason及栢芝主演的《12夜》口碑絕佳。