雅虎香港新聞 
鄭嘉穎陳凱琳8.12結婚 被爆密做產檢疑雙喜臨門
藝人鄭嘉穎同女友陳凱琳拍拖三年幾，近日屢傳婚訊，今日有消息指兩人將於8月12日拉埋天窗，到峇里舉行婚禮！更有市民連番目擊陳凱琳到九龍法國醫院做產檢，睇嚟好大機會係雙喜臨門！
撰文：東方新地｜圖片：東方新地
延伸閱讀：
鄭嘉穎陳凱琳因《殭》結緣
下個月就49歲的鄭嘉穎和27歲的陳凱琳，因拍攝無綫劇《殭》結緣，兩人在荷蘭拍攝時朝夕相對，擦出愛火！鄭嘉穎與陳凱琳年齡相差22歲，起初戀情不被看好，不過二人從不受外界影響，拍拖以來人前人後愛得甜蜜！
8.12峇里舉行婚禮
鄭嘉穎同陳凱琳近日屢傳婚訊，今日有消息指兩人將於8月12日拉埋天窗，到峇里舉行一個小型婚禮！據悉兩人已計劃響婚後會繼續留在峇里度假，並與一眾親朋好友跟嘉穎慶祝 49歲生日(8月15日)。
疑雙喜臨門
另外，亦有消息今次陳凱琳乃奉子成婚，因為有讀者向傳媒爆料，指陳凱琳早在7月12日首次到法國醫院進行產檢，至今已進行了三次檢查。據悉陳凱琳每次到醫院都會包到實兼由母親陪同，更有向醫生詢問是否適合搭飛機。如果係真的話就恭喜晒兩位！
陳爸媽點回應？
連日來有唔少傳媒在陳家位於九龍塘的寓所外守候，今日下午約一時，陳凱琳的父母步出大屋時接受訪問，被追問到女兒的婚禮係咪下月12日於峇里舉行，陳父笑笑口表示：「佢哋嘅嘢我哋唔知！」又指兩人結婚係遲早的事。陳母雖然未有回應，不過就笑到四萬咁口，心情勁靚！
孖辮正妹彩虹被捕獲 網民質疑唔係港人兼報細數…
點止要敲門？ 10項不可觸犯的酒店禁忌
延伸閱讀：
