香港人出名鍾意去旅行,可惜喺新冠肺炎疫情下旅遊大計被逼擱置,「幾時先可以再去旅行?」就成為大家經常討論嘅話題。同樣好耐冇飛嘅鄭欣宜(Joyce),早兩日就上載自己嘅相片並邀請網民們幫佢Key去啲旅遊景點,等佢可以扮去咗旅行。
呢個PO一出,唔少創意無限嘅網民就幫手P圖。欣宜化身「萬能Key」後,網民除咗幫佢去遊覽世界知名景點之外,仲P到佢上埋月球,連欣宜都話俾網民笑死,多謝大家幫佢喺一日內環遊世界,佢仲祝大家可以快啲有得安全地飛去自己想去嘅地方。而家就嚟睇下網民們嘅創意傑作啦!
按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!