鄺潔楹容光煥發 暗示恨嫁

東方日報
·1 分鐘文章
鄺潔楹名花有主,令宅男粉絲心碎。
鄺潔楹名花有主,令宅男粉絲心碎。

不少無綫小花有樣有身材,成功迷倒富二代,爭住搶嫁!去年底被爆撻着經營酒吧的富二代男友Ricky的鄺潔楹,日前出席活動時容光煥發,對於名花有主,她暗示有意結婚:「其實一開始冇話想公開,再加上近排拍新年節目,師傅都叫我要低調戀情,希望咁多位高抬貴手。自己好開心,只係諗住再穩定啲先講。(拍咗好耐?)拍咗一段時間,至於會唔會有下一步,咁我都係認真嘅,但要睇吓對方點啦!」

至於有「仙氣李若彤」之稱的伍樂怡亦成功「封盤」,情歸經營家族生意的有米富二代Fred,但為免影響事業,低調處理感情事,她昨日受訪時表示:「大家之前喺加拿大認識,佢係圈外人,唔想提咁多,大家開開心心就得喇。」