【重返無綫】金剛小儀為新一輯《街坊廚神》出發上海

娛樂LOL

由金剛及小儀主持嘅無綫節目《街坊廚神》系列,佢哋每集都帶大家食好嘢,對上兩輯已經衝出香港,飛咗去台灣、韓國及日本。金剛同小儀經常喺節目中鬥嘴同打情罵俏,唔少觀眾都好鍾意睇佢哋之間嘅互動。大家都以為金剛離開無綫後,佢哋就再冇機會合作拍《街坊廚神》。嗱嗱嗱,你哋咁諗就錯啦!因為小儀近日已經同好拍檔金剛飛咗去上海為全新一輯《街坊廚神》取景啦!

今次佢哋仲帶埋龔嘉欣同埋謝東閔一齊出發,小儀一邊拍攝一邊上載拍攝期間嘅相片去社交網站同大家分享,睇得出佢哋拍攝得好開心。另外,喺相片中睇到今輯節目名係叫《街坊廚神 重出江湖》。

真係好期待佢哋之間嘅仲會有咩火花呀!

你可能還想看