金宵大廈2｜ 《OPPA》 湯洛雯角色參考幕後編審 姓名一樣兼喜好極相似

無綫劇集《金宵大廈2》正在熱播中，唔少追開嘅觀眾都知道劇中單元故事係改編自真人真事，好似伍詠薇及蘇皓兒嘅單元故事《雙魚》曾經喺美國發生過，而于洋、鄭子誠及曾展望嘅單元故事《七樓半》就參考英國案例。而最新播出嘅單元《OPPA》就湯洛雯及郭子豪主演，故事參考韓國「限定團體」Wanna One成員。

《OPPA》係講述湯洛雯飾演嘅黎倩儀係一個追星族，一直都好鍾意韓星Kim（郭子豪飾），更將Kim嘅人形紙板帶返屋企。有一晚人形紙板Kim竟然變咗真人，倩儀更呃住Kim話拍緊偶像同粉絲真人騷，要一齊相處一段時間，令佢哋可以共渡甜蜜時光。之後，更發生有其他粉絲想佔有Kim及發生一連串奇怪事。

故事雖然係虛構，但湯洛雯劇中角色係參考無綫編審黎倩儀，連姓名及喜好都參考埋。黎倩儀寫過好多出色寫劇本，當中包括《桌球天王》、《名媛望族》、《華麗轉身》、《城寨英雄》、《三個女人一個「因」》及《青春不要臉》等等。同時佢亦都係一名韓迷，非常迷「限定團體」Wanna One成員朴志訓，佢個IG上載咗好多朴志訓嘅相片同貼文，同劇中嘅湯洛雯真係好似！

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！