金翅大鑊鳥︱吳業坤貼黑圖向洪詠甄道歉:我唔專業!

·1 分鐘文章
金翅大鑊鳥︱吳業坤貼黑圖向洪詠甄道歉:我唔專業!
金翅大鑊鳥︱吳業坤貼黑圖向洪詠甄道歉:我唔專業!

歌手吳業坤同「日本通」周奕瑋為無綫東京奧運主持,2人喺《東京五輪直送》節目中截停採訪港隊賽艇女將洪詠甄,吳業坤因一句:「冇呀(冇嘢問洪詠甄),你走啦!」即被網民狂轟,更成陳約臨「花癡採訪」後被圍攻對象!

網民連番插爆2人冇腦欠專業,態度輕佻,更指2人唔識尊重運動員,一夜間變網民「公敵」,吳業坤即刻知衰,今日(3日)就喺社交網貼上黑圖,並留言公開向洪詠甄道歉,先後用「不專業」、「失言」等字眼,更指自己已經私信對方道歉,又呼籲大家繼續支持香港隊嘅選手。惟網友仍然唔收貨,繼續留言大鬧,同時亦有粉絲大嗌撐佢。

不過稍後時間,洪詠甄都主動現身為吳業坤「解圍」,直認有收到吳業坤嘅私信道歉:「唔好意思,太突然。」仲勸網友唔好再過度反應喺呢件小事,叫網友好好享受今次奧運賽事,即被大讚佢態度大方,處理得宜。

而周奕瑋亦有貼出道歉文,稱訪問當日佢都有同洪詠甄道歉,依家再次向對方作出誠懇道歉。

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能