鋪王老竇擁逾20億元資產 港姐陳凱琳：都係小生意

(綜合報道)(星島日報報道)出爐港姐冠軍陳凱琳跟其他得獎佳麗，昨日於慶功宴再次現身。陳凱琳手執17萬票封冠成為佳話，但其家族背景亦迅速被起底。指其父親擁有逾20億元資產，又有「鋪王」稱號。對此，陳凱琳冷靜大方回應，只希望有關報道沒有影響到家人。文、圖：駱震寧 港姐決賽於周日順利完成，平均收視29點，最高有33點、約212萬人收睇。收視報捷，無綫高層余詠珊即時大鑼大鼓舉行慶功宴，應屆港姐冠軍陳凱琳、亞軍蔡思貝，季軍劉佩玥及友誼小姐歐陽巧瑩都有出席。 反駁志偉批評 陳凱琳現居九龍塘面積5,000呎獨立屋，因日前她的「港姐普選論」被網民Like爆，亦隨即被起底。提到有報道指其父親資產以億計，又被封「鋪王」。陳凱琳說：「都係做小生意。鋪位方面我唔了解，嗲哋工作我唔清楚，我都會畀少少私隱佢。」問到可有想過被起底？她說：「我參選時已經有心理準備。希望大家盡量唔好騷擾到家人。嫲嫲係介意少少，地方係嫲嫲嘅，佢係有啲驚，亦唔希望畀記者影到。」 此外，曾志偉表示指她不應用港姐身分涉及政治。陳凱琳說：「政治係要小心講，亦要關心同留意。我主要係講選港姐嘅投票，覺得呢個方法好好、好新鮮，大家都好投入。」志偉又提到若今屆港姐跟以往一樣由評審決定，她未必勝過亞軍蔡思貝。她說：「觀眾同評判畀分都好一致，亦覺得自己表現好好。」 蔡思貝自我起底 亞軍蔡思貝坦言覺得陳凱琳勝出機會更高，問到是否輸得甘心？她說：「唔會用甘心，係賽果好明確。」提到陳凱琳已被起底，她說：「因為佢有呢個價值囉！(怕唔怕被起底？)我OK口架！又唔係咩壞事！我爸爸係退休警察，媽媽係家庭主婦。」 ■陳凱琳最怕家人受到報道影響。 ■有余詠珊企中間，幾個港姐都特別靚。 ■拍埋一齊先發覺，陳凱琳(左2)個身真係得紙皮咁薄。 ■在陳凱琳心目中，陳爸爸的只是小生意。